കൊറിക്കാൻ ക്രിസ്പി ചിപ്സ്, വീട്ടിൽ തയാറാക്കാം

കറുമുറെ കൊറിക്കാൻ ഏത്തയ്ക്ക ചിപ്സ് വീട്ടിൽ തയാറാക്കാം. 

ചേരുവകൾ

• ഏത്തയ്ക്ക 
• മഞ്ഞൾ പൊടി   - 1/2 ടീസ്പൂൺ 
• ഉപ്പ് –  ആവശ്യത്തിന് 
• എണ്ണ – വറുക്കാൻ ആവശ്യത്തിന് 

തയാറാക്കുന്ന വിധം

• വിളഞ്ഞ ഏത്തയ്ക്ക അറ്റം മുറിച്ച് തൊലി പൊളിച്ചെടുക്കുക.
• ഒരു ചെറിയ പാത്രത്തിൽ 2 ടേബിൾസ്പൂൺ ഉപ്പ് കുറച്ച് വെള്ളത്തിൽ കലക്കി വയ്ക്കുക. 
• ഒരു പാത്രത്തിൽ എണ്ണ ചൂടാക്കി  മഞ്ഞൾപ്പൊടി ചേർക്കാം.
• ചൂട് കൂട്ടിവച്ച് ഉപ്പേരി തയാറാക്കരുത്. 
• എണ്ണ ചൂടായി കഴിഞ്ഞാൽ സ്ലൈസറിൽ ഏത്തയ്ക്ക അരിഞ്ഞിടുക.
• പകുതി മൂപ്പാകുമ്പോൾ 1/2 ടീസ്പൂൺ ഉപ്പ് ചേർത്തിളക്കുക.
• ഉപ്പേരി മുത്തു കഴിയുമ്പോൾ ബബിൾസ്  കുറയും. 
• എടുത്ത് ഒടിച്ചു നോക്കുമ്പോൾ മുറിഞ്ഞാൽ എണ്ണയിൽ നിന്നും മാറ്റാം. 

English Summary : Homemade banana chips.