ബദാം  ആപ്പിൾ പായസം; ഓണം സ്പെഷൽ രുചിയിൽ

ഓണം എത്താൻ ദിവസങ്ങൾ മാത്രം, സദ്യയ്ക്ക് രുചികരവും വ്യത്യസ്തവുമായി പായസ രുചി തയാറാക്കിയാലോ?

ചേരുവകൾ

• ബദാം - ഒരു കപ്പ്
• കൊഴുപ്പ് കൂടിയ പാൽ / അല്ലെങ്കിൽ ഫ്രഷ് ക്രീം - 1 ലിറ്റർ
• പാൽ - 1 കപ്പ്
• മിൽക്ക് മെയ്ഡ് - 1 കപ്പ് അല്ലെങ്കിൽ പഞ്ചസാര പൊടിച്ചത് - 1 കപ്പ്
• കുങ്കുമപൂവ് - 10 എണ്ണം
• ഏലക്ക പൊടിച്ചത് - 2 സ്പൂൺ
• ബദാം, പിസ്ത ചെറുതായി അരിഞ്ഞത് - 2 – 3 സ്പൂൺ
• വെള്ളം - ആവശ്യത്തിന്

തയാറാക്കുന്ന വിധം വിഡിയോ കാണാം

• ഒരു കപ്പ് ബദാം  6 മുതൽ  8 മണിക്കൂർ വെള്ളത്തിൽ കുതിർത്തത്.
• ഒരു ആപ്പിൾ തൊലി കളഞ്ഞു  ചിരകി എടുക്കണം.
• ഒരു ചീന ചട്ടിയിൽ  രണ്ട് സ്പൂൺ നെയ്യ് ഒഴിച്ച് ആപ്പിൾ നന്നായി ഇളക്കി കൊടുക്കുക. വെള്ളം മുഴുവൻ മാറുന്നതു വരെ വരട്ടി എടുക്കുക. നന്നായി തണുത്ത ശേഷം മാത്രമേ ഇതു പായസത്തിൽ ചേർക്കാവൂ.

• ബദാം തൊലി കളഞ്ഞു ഒരു കപ്പ്‌ പാലിൽ പേസ്റ്റ് പോലെ അരച്ച് എടുക്കുക.
• ഉരുളിയിൽ കൊഴുപ്പ് കൂടിയ പാൽ ചേർത്തു നന്നായി തിളച്ചു കഴിയുമ്പോൾ, കുങ്കുമപൂവ് വെള്ളത്തിൽ ഇട്ടു വച്ചതും ചേർത്തു കൊടുക്കാം. ഇതിലേക്കു മിൽക്ക് മെയ്ഡ് അല്ലെങ്കിൽ പഞ്ചസാര ചേർക്കാം.
• നന്നായി ഇളക്കി യോജിപ്പിക്കുക.

• ഇനി ഇതിലേക്കു അരച്ച് വച്ചിട്ടുള്ള ബദാം ചേർത്തു കൊടുക്കാം. നന്നായി തിളച്ചു വന്ന ശേഷം, അരിഞ്ഞു വച്ച ബദാം, പിസ്ത, ഏലക്ക പൊടി എന്നിവയും ചേർക്കാം.
• നല്ലതു പോലെ കുറുകി വരുമ്പോൾ തീ ഓഫ്‌ ചെയ്തു  വീണ്ടും ഒന്ന് ഇളക്കി കൊടുത്ത ശേഷം നെയ്യിൽ വഴറ്റിയ ആപ്പിൾ കൂടെ ചേർക്കാം.
• ഈ പായസം ചൂടോടെയും തണുപ്പിച്ചും ഉപയോഗിക്കാം.

English Summary : Try this recipe of Almond – apple payasam to make your sadya extra special