ഗോതമ്പു ബോണ്ട, സ്പൈസി ടേസ്റ്റിൽ

ഒരു കപ്പ്‌ ഗോതമ്പു മാവുണ്ടോ 10 മിനിറ്റിൽ രുചികരമായ പലഹാരം തയാറാക്കാം.

ചേരുവകൾ

• ഗോതമ്പു പൊടി -1 കപ്പ്‌
• ദോശ മാവ് - 1/4 കപ്പ്‌ അല്ലെങ്കിൽ അരിപ്പൊടി -1/4 കപ്പ്‌
• ബേക്കിങ് സോഡ - 1 നുള്ള്
• ഉള്ളി - 1/2 കപ്പ്‌
• പച്ചമുളക് - 3 എണ്ണം
• ഇഞ്ചി - 1 ടീസ്പൂൺ
• മല്ലിയില - 1/4 കപ്പ്‌
• കാരറ്റ് ചീകിയത് - 1/2 കപ്പ്‌
• തേങ്ങാ കൊത്ത് - 1/4 കപ്പ്‌
• ജീരകം - 1 ടീസ്പൂൺ
• എള്ള് - 1 ടീസ്പൂൺ
• ചതച്ച മുളക് -1 ടീസ്പൂൺ
• കായപൊടി -1/4 ടീസ്പൂൺ 
• ഉപ്പ് -ആവശ്യത്തിന്

തയാറാക്കുന്ന വിധം

ഒരു ബൗളിൽ ഗോതമ്പു പൊടിയും ദോശമാവും ബാക്കി ചേരുവകൾ എല്ലാം ചേർത്ത്  ഇളക്കുക. അതിലേക്കു ആവശ്യത്തിന് വെള്ളം ചേർത്തു നന്നായി യോജിപ്പിച്ച് എടുക്കുക.

5 മിനിറ്റ് അടച്ചു വയ്ക്കുക. 

ശേഷം ചൂടായ എണ്ണയിലേക്കു ചെറിയ ബോളുകൾ പോലെ ഇട്ടു മിതമായ ചൂടിൽ വറുത്തെടുക്കുക. 

Content Summary : Wheat Bonda Snack, Recipe by Prabha.