ഊണിനു കൂട്ടാൻ സൂപ്പർ ടേസ്റ്റിൽ ഒരു നെല്ലിക്ക അച്ചാർ വീട്ടിൽ തയാറാക്കുന്നത് എങ്ങനെയെന്നു നോക്കാം.
ചേരുവകൾ
- നെല്ലിക്ക- 1/2 കിലോഗ്രാം
- നല്ലെണ്ണ - 5 ടേബിൾ സ്പൂൺ
- കടുക് - 1/2 ടീസ്പൂൺ
- ചുവന്ന മുളക് - 5 / 6 എണ്ണം
- കറിവേപ്പില
- വെളുത്തുള്ളി - 8 അല്ലി
- മുളകുപൊടി - 1 1/2 ടേബിൾ സ്പൂൺ
- കശ്മീരി മുളകുപൊടി - 3/4 ടേബിൾ സ്പൂൺ
- കായം പൊടി - 1/2 ടീസ്പൂൺ
- ഉലുവ പൊടി - 1/2 ടീസ്പൂൺ
- വിനാഗിരി - 3 ടേബിൾ സ്പൂൺ
- ചൂട് വെള്ളം - 1 ചെറിയ കപ്പ്
- ഉപ്പ്
തയാറാക്കുന്ന വിധം
- നെല്ലിക്ക നന്നായ് കഴുകി തുടച്ച ശേഷം ഒരു അഞ്ചു മിനിറ്റ് ഇഡ്‌ഡലി തട്ടിൽ ആവി കയറ്റി എടുക്കുക.
- തണുത്ത ശേഷം ചെറുതായിട്ട് വരഞ്ഞ് ഉപ്പ് ചേർത്ത് ഇളക്കി വയ്ക്കുക.
- ഒരു പാനിൽ നല്ലെണ്ണ ചൂടാക്കി കടുക്, ചുവന്ന മുളക്, കറിവേപ്പില, വെളുത്തുള്ളി എന്നിവ മൂപ്പിക്കുക.
- തീ അണച്ചു അതിലേയ്ക്കു മുളകുപൊടിയും കായപ്പൊടിയും ചേർത്തിളക്കി തീ കത്തിക്കുക.
- വിനാഗിരി ചേർത്തു നന്നായി തിളപ്പിക്കുക.
- ചൂട് വെള്ളം ഒഴിച്ച് ഉലുവാപ്പൊടി ചേർത്തു നന്നായ് തിളപ്പിക്കുക.
- അതിനു ശേഷം ഉപ്പിലിട്ട നെല്ലിക്ക ചേർത്തു നന്നായ് ഇളക്കി വെള്ളം വറ്റിച്ച് എടുക്കുക.
- നന്നായ് തണുത്ത ശേഷം പാത്രത്തിൽ അടച്ചു വയ്ക്കാം.
Content Summary : Nellikka pickle recipe by Rohini.
