സ്വീറ്റ് പൊട്ടറ്റോ ടിക്കി, ചട്ണിയ്ക്കൊപ്പം ഉഗ്രൻ സ്വാദ്

മധുരക്കിഴങ്ങു കൊണ്ടൊരു ചായ പലഹാരം, ഉഗ്രൻ സ്വാദിൽ വീട്ടിലൊരുക്കാം.

ചേരുവകൾ

• മധുരക്കിഴങ്ങ് - 250 ഗ്രാം
• അവൽ -1/2 കപ്പ്‌
• ബ്രെഡ് പൊടിച്ചത് (ബ്രെഡ് ക്രബ്സ് ) - 1 കപ്പ്‌
• ഉള്ളി - 1/2 കപ്പ്‌
• പച്ചമുളക് -3 എണ്ണം
• മല്ലിയില -1/4 കപ്പ്‌
• മുളകുപൊടി - 1 ടീസ്പൂൺ
• ജീരകപ്പൊടി - 1/4 ടീസ്പൂൺ
• മല്ലിപ്പൊടി - 1/2 ടീസ്പൂൺ
• ഉപ്പ് - ആവശ്യത്തിന്

തയാറാക്കുന്ന വിധം

• അവൽ വെള്ളം ഒഴിച്ചു നന്നായി കഴുകി 10 മിനിറ്റ് അടച്ചു വയ്ക്കുക.
• മധുരക്കഴിഞ്ഞ് വേവിച്ചു തൊലി കളഞ്ഞത് ഒട്ടും കട്ടയില്ലാതെ ഉടച്ചെടുക്കുക. 
• അതിലേക്കു കുതിർത്ത അവിലും മറ്റു ചേരുവകളും ഉപ്പും ചേർത്തു വെള്ളമില്ലാതെ നന്നായി കുഴച്ചെടുക്കുക. 
• ചെറിയ ഉരുളകളാക്കി അമർത്തി കട്ലറ്റ് ഷേപ്പ് ആക്കുക.
• പാനിൽ കുറച്ച് എണ്ണ ഒഴിച്ച്  ചൂടാകുമ്പോൾ ടിക്കികൾ ഇട്ടു ഷാലോ ഫ്രൈ ചെയ്തെടുക്കാം.
• മല്ലിയില ചട്ണി അല്ലെങ്കിൽ സോസിനൊപ്പം കഴിക്കാം.

Content Summary : Sweet potato tikki recipe by Prabha.