ഹെൽത്തി സ്നാക്കുകൾ കൊറിക്കാൻ ഇഷ്ടപ്പെടുന്നവർക്ക് എളുപ്പത്തിൽ തയാറാക്കാവുന്ന രുചിക്കൂട്ട്. കുട്ടികൾക്കും മുതിർന്നവർക്കും ഒരു പോലെ ഇഷ്ടപ്പെടും രുചി.
ചേരുവകൾ
- റാഗിപ്പൊടി - 1 കപ്പ്‌
- കടല മാവ് - 1 കപ്പ്‌
- അരിപ്പൊടി - 1/2 കപ്പ്‌
- വെണ്ണ - 2 ടീസ്പൂൺ
- ചൂടാക്കിയ എണ്ണ - 4 ടീസ്പൂൺ
- മുളകുപൊടി - 3 ടീസ്പൂൺ
- കായപ്പൊടി - 1/2 ടീസ്പൂൺ
- ഉപ്പ് - ആവശ്യത്തിന്
- കറിവേപ്പില
തയാറാക്കുന്ന വിധം
റാഗിപ്പൊടിയും മറ്റു ചേരുവകളും വെണ്ണയും ചൂടാക്കിയ എണ്ണയും ചേർത്തു കൈ കൊണ്ടു നന്നായി യോജിപ്പിക്കുക. ആവശ്യത്തിനു വെള്ളം ചേർത്തു സോഫ്റ്റ്‌ ആയി കുഴച്ചെടുക്കുക.
5 മിനിറ്റു വച്ച ശേഷം സേവനാഴിയിൽ ഇടിയപ്പ ചില്ലിട്ടു തിളച്ച എണ്ണയിൽ വറത്തു കോരുക. കുറച്ചു കറിവേപ്പില കൂടി വറുത്തു ചേർക്കാം.
Content Summary : Scrumptious Ragi Murukku recipe by Prabha
