ദോശയ്ക്കും ചോറിനുമൊപ്പം കഴിക്കാവുന്ന സൂപ്പർ ടേസ്റ്റി തക്കാളി കറി.
ചേരുവകൾ
- വെളിച്ചെണ്ണ - 1 ടേബിൾസ്പൂൺ
- കടുക് - 1/4 ടീസ്പൂൺ
- സവാള - 1 എണ്ണം അരിഞ്ഞത്
- ഇഞ്ചി - 1 ടീസ്പൂൺ
- വെളുത്തുള്ളി - 1 ടീസ്പൂൺ
- പച്ചമുളക് - 2 എണ്ണം
- കറിവേപ്പില - ആവശ്യത്തിന്
- ഉപ്പ് – ആവശ്യത്തിന്
- തക്കാളി - 1/2 മുതൽ 1 ഇടത്തരം വലുപ്പത്തിൽ
- മഞ്ഞൾപ്പൊടി - 1/4 ടീസ്പൂൺ
- മുളകുപൊടി - 1/2 ടീസ്പൂൺ
- ചൂടുവെള്ളം - 1/2 കപ്പ്
തയാറാക്കുന്ന വിധം
- ഒരു ചീനച്ചട്ടി ചൂടാക്കി, വെളിച്ചെണ്ണ ചേർത്തു കടുകു പൊട്ടിക്കുക. ഇതിലേക്ക് അരിഞ്ഞ സവാള, ഇഞ്ചി, വെളുത്തുള്ളി, പച്ചമുളക്, കറിവേപ്പില, ഉപ്പ് എന്നിവ ചേർക്കുക.
- തീ താഴ്ത്തി മൂടി വച്ച് സവാള മൃദുവാകുന്നതുവരെ വേവിക്കുക.
- ഇനി മഞ്ഞൾപ്പൊടി, മുളകുപൊടി എന്നിവ ചേർത്തു പച്ച രുചി മാറുന്നതുവരെ വഴറ്റുക.
- ഇതിലേക്കു തക്കാളി ചേർത്തു നന്നായി ഇളക്കുക.
- തക്കാളി നന്നായി വെന്ത് ഉടയുന്നതുവരെ മൂടി അടച്ചു വച്ചു വേവിക്കുക.
- ഇടയ്ക്ക് ഇളക്കി കൊടുക്കാൻ മറന്നു പോവരുത്.
- തക്കാളി നന്നായി ഉടഞ്ഞു കഴിഞ്ഞാൽ 1/2 കപ്പ് ചൂടുവെള്ളം ഒഴിച്ചു നിങ്ങൾക്ക് ആവശ്യമുള്ള കട്ടി ആകുന്നതുവരെ വേവിക്കുക.
Content Summary : Tomato onion curry is a simple and delicious dish that is perfect for a quick and easy meal.
