പെരി പെരി ചിക്കൻ റൈസ്, കൊതിപ്പിക്കും രുചി

വീക്കെൻഡ് സ്പെഷൽ രുചിയിൽ, രസികൻ റൈസും ചിക്കനും.

ചേരുവകൾ

• ബസ്മതി അരി - 2 1/2 കപ്പ്‌ 
• ഒലിവ് ഓയിൽ - 2 ടേബിൾസ്പൂൺ 
• വെളുത്തുള്ളി - 3 അല്ലി 
• സവാള - 1 എണ്ണം
• വറ്റൽ മുളക് ചതച്ചത് - 1 ടേബിൾസ്പൂൺ 
• ടൊമാറ്റോ പേസ്റ്റ് - 1 ടേബിൾസ്പൂൺ 
• ചിക്കൻ ക്യൂബ്സ് - 1 എണ്ണം 
• ഉപ്പ് - പാകത്തിന് 
• പാഴ്സ്​ലി (ഇല)
• വെള്ളം - 4 കപ്പ്‌ 

ചിക്കൻ മാരിനേഷൻ

• ചിക്കൻ - 1/4 കിലോഗ്രാം 
• മുളകുപൊടി - 1 ടീസ്പൂൺ 
• മഞ്ഞൾപ്പൊടി - 1/4 ടീസ്പൂൺ 
• പാഴ്സ്​ലി (ഇല)
• ചതച്ച മുളക് - 1 ടീസ്പൂൺ 
• ഗരം മസാല - 1/4 ടീസ്പൂൺ 
• ഉപ്പ് - പാകത്തിന് 
• ഓയിൽ - വറുക്കാൻ പാകത്തിന് 

തയാറാക്കുന്ന വിധം

ചിക്കനിൽ മസാല പുരട്ടി അരമണിക്കൂർ മാറ്റിവയ്ക്കാം.

ഒരു കടായിയിൽ ഓയിൽ ഒഴിച്ചു വെളുത്തുള്ളി ചെറുതായി മുറിച്ചതും സവാളയും വറ്റൽ മുളകു ചതച്ചതും ടൊമാറ്റോ പേസ്റ്റും പാഴ്സ്​ലി ഇലയും ഉപ്പും ചേർത്തു വഴറ്റാം. ഇതിൽ ബസ്മതി അരിയും പാകത്തിനു വെള്ളവും ചേർത്തു മൂടിവച്ച് വേവിക്കാം. മസാല പുരട്ടി വച്ച ചിക്കൻ, ഫ്രൈ ചെയ്‌തെടുത്തതും ചേർത്താൽ  കിടിലൻ പെരിപെരി റൈസ് ചിക്കൻ റെഡി.

Content Summary : Peri peri chicken rice has a complex flavor that is a combination of spicy, tangy, and smoky.