പരീക്ഷാകാലത്ത് കുട്ടികൾക്ക്‌ കൊടുക്കാം; ഓർമശക്തി കൂട്ടാൻ ഈ സ്പെഷല്‍ ലഡ്ഡു

പരീക്ഷാക്കാലം കുട്ടികൾക്കും രക്ഷിതാക്കൾക്കും ഒരുപോലെ ടെൻഷൻ നിറഞ്ഞതാണ്. ഈ സമയത്ത് കുട്ടികൾക്ക് അനാരോഗ്യകരമായ സ്‌നാക്‌സിന് പകരം പ്രോട്ടീൻ, അയൺ, ഫൈബർ, ഒമേഗ-3 ഫാറ്റി ആസിഡ് എന്നിവയാൽ സമ്പുഷ്ടമായ ഈയൊരു ലഡ്ഡു കൊടുക്കുകയാണെങ്കിൽ രോഗപ്രതിരോധശക്തിയും ഓർമശക്തിയും കൂട്ടാൻ വളരെ നല്ലതാണ്.

ചേരുവകൾ:

•  ഈത്തപ്പഴം - ഒരു കപ്പ്

•  ഉണക്കമുന്തിരി - കാൽ കപ്പ്

•  അത്തിപ്പഴം - 3 - 4 എണ്ണം

•  വാൾനട്ട് - കാൽ കപ്പ്

•  ബദാം -  കാൽ കപ്പ്

•  ഫ്ലാക് സീഡ് - 2 ടേബിൾ സ്പൂൺ

•  എലയ്ക്കാപൊടി - കാൽ ടീസ്പൂൺ  

•  നെയ് - ഒരു ടേബിൾ സ്പൂൺ

തയാറാക്കുന്ന വിധം:

•  ഈന്തപ്പഴം കുരു കളഞ്ഞു വയ്ക്കുക. ശേഷം അത്തിപ്പഴവും രണ്ടായി മുറിച്ച് വയ്ക്കാം.

•  വാൾനട്ടും ബദാമും ചെറുതായി മുറിച്ച് എടുക്കണം. ഫ്ലാക് സീഡ് എണ്ണയില്ലാതെ വറുത്ത് വയ്ക്കാം.

•  ഇനി നെയ്യ് ഒഴികെ ബാക്കി എല്ലാ ചേരുവകളും മിക്സിയിൽ ഇട്ട് പൊടിച്ചെടുക്കണം. 

•  ശേഷം ഇതൊരു ബൗളിലേക്ക് ഇട്ട് നെയ്യ് കൂടി ചേർത്ത് കുഴച്ചശേഷം ചെറിയ ഉരുളകളാക്കുക. സ്പെഷൽ ലഡ്ഡു റെഡി.