sections
MORE

ചെമ്മീൻ മൊയ്‌ലി കഴിച്ചിട്ടുണ്ടോ?

ചെമ്മീൻ മൊയ്‌ലി
SHARE

അപ്പത്തിനും ബ്രഡിനുമൊപ്പം കഴിയ്ക്കാവുന്ന രുചികരമായ ചെമ്മീൻ കറി പരിചയപ്പെട്ടാലോ?

1. വലിയ ചെമ്മീൻ – അര കിലോ
2. ഡാൽഡാ – 50 ഗ്രാം
3. പട്ട – 2 കഷണം, ഏലക്ക – 6 എണ്ണം, ഗ്രാമ്പൂ – 6 എണ്ണം, കുരുമുളക് – 10 എണ്ണം
4. സവാള ചതുരമായി മുറിച്ചത് – 2 എണ്ണം, പച്ചമുളക് പിളർന്നത് – 6 എണ്ണം, വേപ്പില – 2 തണ്ട്, ഇഞ്ചി അരിഞ്ഞത് – 1 ടീ സ്പൂൺ, വെള്ളുള്ളി അരിഞ്ഞത് – 4 എണ്ണം
5. തേങ്ങ – 1 എണ്ണം
6. കശുവണ്ടി – 250 ഗ്രാം
7. നെയ്യ് – 1 ടീ സ്പൂൺ
8. തക്കാളി – 1 എണ്ണം
9. കാപ്സിക്കം – 1 എണ്ണം

തയാറാക്കുന്ന വിധം

ചെമ്മീൻ വൃത്തിയാക്കിയ ശേഷം അൽപം ഉപ്പും മഞ്ഞൾപ്പൊടിയും ഇട്ടു വേവിക്കുക. വെന്ത വെള്ളം മാറ്റിവയ്ക്കുക. ചെമ്മീൻ അൽപം എണ്ണയിൽ ഫ്രൈ ചെയ്തു വയ്ക്കുക.

ഒരു പാനിൽ ഡാൽഡ ചൂടാക്കി 3–ാം ചേരുവ ഒന്നു ചതച്ചശേഷം ഇട്ട് വറുക്കുക. ഇതിലേക്ക് 4–ാം ചേരുവയിട്ട് വഴറ്റിയ ശേഷം ഒരു തേങ്ങയിൽനിന്നെടുത്ത കുറുകിയ തേങ്ങാപ്പാലും ചെമ്മീൻ വെന്ത വെള്ളവും പാകത്തിന് ഉപ്പും, വേണമെങ്കിൽ അര ചെറിയ സ്പൂൺ വിന്നാഗിരിയും ചേർത്ത് തിളച്ചുകഴിയുമ്പോൾ പകുതി കശുവണ്ടി അരച്ചു ചേർക്കുക. വീണ്ടും തിളച്ചുവരുമ്പോൾ ഇറക്കാം. നെയ്യിൽ ബാക്കി കശുവണ്ടി വറുത്തു ചേർക്കുക. ഒരു പ്ലേറ്റിൽ ചെമ്മീൻ ഫ്രൈ ചെയ്തുവച്ച് മീതെ മോലി ഒഴിച്ച് തക്കാളിയും കാപ്സിക്കവും കൊണ്ട് അലങ്കരിക്കുക. അപ്പത്തിനും ബ്രെഡിനുമൊപ്പം വിളമ്പാം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
MORE IN RECIPES
SHOW MORE
FROM ONMANORAMA