sections
MORE

നാവിൽ നിറയട്ടെ നാടൻ ഇടിച്ചക്ക തോരൻ രുചി

ഇടിച്ചക്കത്തോരൻ
SHARE

വിഷു വിഭവങ്ങൾ തയാറാക്കാൻ ഇനി ദിവസങ്ങൾ മാത്രം. രുചികരമായ ഇടിച്ചക്ക തോരൻ വിഷു സദ്യയ്ക്ക് തയാറാക്കിയാലോ?

1. ഇടിച്ചക്ക – ഒരു ചെറുത്
2. മഞ്ഞൾപ്പൊടി – അര ചെറിയ സ്പൂൺ
3. ഉപ്പ് – പാകത്തിന്
4. തേങ്ങ – ഒന്നിന്റെ പകുതി, ചുരണ്ടിയത്
   പച്ചമുളക് – രണ്ട്
   ജീരകം – അര ചെറിയ സ്പൂൺ
   വറ്റൽ മുളക് – ഒന്ന്
5. വെളിച്ചെണ്ണ – രണ്ടു വലിയ സ്പൂൺ
6. കടുക് – അര ചെറിയ സ്പൂൺ
ഉഴുന്നു പരിപ്പ് – കാൽ ചെറിയ സ്പൂണ്‍
7. കറിവേപ്പില – രണ്ടു തണ്ട്
8. പച്ച വെളിച്ചെണ്ണ – രണ്ടു ചെറിയ സ്പൂൺ

പാകം ചെയ്യുന്ന വിധം

∙ഇടിച്ചക്ക തൊലിയും കൂഞ്ഞിലും (നടുവിലുള്ള തണ്ട്) കളഞ്ഞു ചെറിയ കഷണങ്ങളായി അരിയുക.

∙ഇതിൽ മഞ്ഞൾപ്പൊടി ചേർത്തു നികക്കെ വെള്ളമൊഴിച്ചു വേവിക്കുക. ഇടിച്ചക്ക പകുതി വേവാകുമ്പോൾ ഉപ്പും ചേർത്തു വേവിച്ചു വെള്ളം ഊറ്റി വയ്ക്കുക. ഇടിച്ചക്ക വേവും മുമ്പ് ഉപ്പ് ചേർത്താൽ എളുപ്പം വേവുകയില്ല.

∙ചൂടാറിയശേഷം ഇടിച്ചക്ക കഷണങ്ങൾ ചതച്ചു വയ്ക്കുക.

∙നാലാമത്ത ചേരുവ യോജിപ്പിച്ചു ചതച്ചു വയ്ക്കുക.

∙വെളിച്ചെണ്ണ ചൂടാക്കി കടുകും ഉഴുന്നു പരിപ്പും മൂപ്പിച്ച ശേഷം തേങ്ങ ചതച്ച മിശ്രിതം ചേർത്തിളക്കി ഇതിലേക്കു ചക്ക ചതച്ചതും കറിവേപ്പിലയും ചേർത്തിളക്കുക.

∙ഏറ്റവും ഒടുവിൽ പച്ച വെളിച്ചെണ്ണയൊഴിച്ചിളക്കി വാങ്ങുക. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
FROM ONMANORAMA