sections
MORE

ഈസ്റ്റർ സ്പെഷൽ ഈസി റവ പുഡിങ്

Easy Pudding
SHARE

ഉയിർപ്പിന്റെ സന്തോഷവുമായി ഈസ്റ്റർ‍ എത്തുമ്പോൾ അൽപം മധുരം തീർച്ചയായും വേണം. വീട്ടിൽ എളുപ്പത്തിൽ തയാറാക്കാവുന്ന പുഡിങ് രുചി പരിചയപ്പെടാം.

ചേരുവകൾ

  • റവ – ഒന്നര വലിയ സ്പൂൺ
  • പാൽ – രണ്ടരക്കപ്പ്
  • പഞ്ചസാര – അരക്കപ്പ്
  • ഉപ്പ് – ഒരു നുള്ള്
  • ജെലറ്റിൻ–ഒരു വലിയ സ്പൂൺ, രണ്ടു വലിയ സ്പൂൺ െവള്ളത്തിൽ കുതിർത്തത്
  •  നാരങ്ങാത്തൊലി ചുരണ്ടിയതും നാരങ്ങാനീരും – ഒരു നാരങ്ങയുടേത്
  •  മുട്ടവെള്ള – രണ്ടു മുട്ടയുടേത്
  • ഏപ്രിക്കോട്ട് അല്പം വെള്ളത്തിൽ വേവിച്ചത് – അരക്കപ്പ്

തയാറാക്കുന്ന വിധം

∙ റവ അല്പം പാലിൽ കലക്കിവയ്ക്കണം.

∙ ബാക്കി പാൽ അടുപ്പത്തുവച്ചു ചൂടാക്കുക.

∙ ഇതിലേക്കു റവ കലക്കിയതും പഞ്ചസാരയും ചർത്തിളക്കി കുറുക്കണം. ഒരു നുള്ള് ഉപ്പു േചർത്തിളക്കി വാങ്ങുക.

∙ കുതിർത്ത ജെലറ്റിൻ തിളയ്ക്കുന്ന വെള്ളത്തിനു മുകളിൽ പിടിച്ച് ഉരുക്കിയതു റവ മിശ്രിതത്തിൽ ചേർത്തിളക്കി ചൂടാറാൻ വയ്ക്കണം.

∙ ഇതിലേക്കു നാരങ്ങാനീരും നാരങ്ങാത്തൊലി ചുരണ്ടിയതും ചേർത്തിളക്കിയശേഷം മുട്ടവെള്ള നന്നായി അടിച്ചുപതപ്പിച്ചതു മെല്ലെ ചേർത്തു യോജിപ്പിക്കുക.

∙ ഫ്രിജിൽ വച്ചു തണുപ്പിച്ചശേഷം ഏപ്രിക്കോട്ട് വേവിച്ചതു മുകളിൽവച്ചു വിളമ്പാം.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA