sections
MORE

ഇഡ്ഡലി കൊണ്ടും ബർഗര്‍ തയാറാക്കാം

Idli Burger
SHARE

ഇഡ്​ലി രാവിലെ തയാറാക്കിയത് മിച്ചം വന്നോ? എന്തു ചെയ്യണം എന്ന് ആലോചിച്ചിരിക്കുന്നവർക്ക് തയാറാക്കാം വ്യത്യസ്തമായൊരു ഇഡ്​ലി ബർഗർ രുചി.

  • ഇഡ്ഡലി (ബാക്കി വന്നത്) – നാല്
  • കട്​ലറ്റ് – നാല് (ബാക്കി വന്ന പച്ചക്കറി, കോഴി, മീൻ എന്നിവയിൽ നിന്നുണ്ടാക്കിയത്)
  • ദശക്കട്ടിയുള്ള തക്കാളി – നാല്, തൊലി കളഞ്ഞു വട്ടത്തിൽ മുറിച്ചത്
  • സാലഡ് വെള്ളരി – ഒന്ന്, വട്ടത്തിൽ മുറിച്ചത്
  • വെണ്ണ – രണ്ടു വലിയ സ്പൂൺ
  • ടുമാറ്റോസോസ് – രണ്ടു ടേബിൾ സ്പൂൺ

പാകം ചെയ്യുന്ന വിധം

∙ഇഡ്ഡലി കൃത്യം നടുവെ രണ്ടായി മുറിക്കുക.

∙തക്കാളിയും സാലഡ് വെള്ളരിയും വട്ടത്തിൽ കനം കുറിച്ചു മുറിക്കുക.

∙ബാക്കി വന്ന കറികളിൽ നിന്നു പച്ചക്കറി, മീൻ, കോഴി ഏതെങ്കിലും ഒന്നെടുത്ത് ഉരുളക്കിഴങ്ങ് പുഴുങ്ങി ഉടച്ചതും ഉള്ളി, പച്ചമുളക്, മല്ലിയില എന്നിവയും ചേർത്തു കട്​ലറ്റ് തയാറാക്കുന്നതുപോലെ വലുപ്പം കുറച്ചു തയാറാക്കി പൊരിച്ചെടുക്കുക.

∙ഇഡ്ഡലിയുടെ മുറിച്ച ഭാഗങ്ങളിൽ വെണ്ണ നന്നായി തേച്ച് അല്പം മുളകു പൊടി വിതറി നോൺസ്റ്റിക് തവയിൽ ഇട്ടു ചെറുതായി പൊരിച്ചെടുക്കുക. എല്ലാ കഷണങ്ങളും ഇങ്ങനെ ചെയ്യുക.

∙ഇഡ്ഡലിയുടെ താഴെയുള്ള കഷണത്തിൽ അൽപം ടുമാറ്റോസോസ് തേയ്ക്കുക.

∙ഇതിനു മുകളിൽ ഒരു കഷണം തക്കാളി, സാലഡ് വെള്ളരി, കട്​ലറ്റ്, വീണ്ടും ഒുരു കഷണം തക്കാളി, സാലഡ് വെള്ളരി ഇങ്ങനെ വയ്ക്കുക. ഇതിനു മീതെ ഇഡ്ഡലിയുടെ മുകളിലുള്ള കഷണത്തിൽ അൽപം വെണ്ണ തേച്ചു വയ്ക്കുക.

∙ഇത് ഒന്നു ചെറുതായി അമർത്തി ഒരു ടൂത്ത് പിക്ക് കൊണ്ട് അമർത്തി നിർത്തുക. എല്ലാ കഷണങ്ങളും ഇതു പോലെ തയാറാക്കുക.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN RECIPES
SHOW MORE
FROM ONMANORAMA