കൊതിപ്പിക്കുന്ന രുചിയിൽ ഫലാഫൽ സാൻവിച്ച്

സാൻവിച്ച് എന്ന് കേൾക്കുമ്പോൾ ബ്രഡ് ആണോ ഓർമ്മ വരുന്നത്? ഇതാ വ്യത്യസ്തമായ രുചിയിലൊരുക്കാം ഫലാഫൽ സാൻവിച്ച്. ഈ സാൻവിച്ചിന്റെ രുചിരഹസ്യം വെള്ളക്കടല അരച്ച് തയാറാക്കുന്ന ഫലാഫൽ ബോൾസിലാണ്. 

ചേരുവകൾ

1. വെള്ളക്കടല – 1 കപ്പ്

2. ജീരകം പൊടി – 1 വലിയ സ്പൂൺ
  മുളകു പൊടി – 1 ചെറിയ സ്പൂൺ
 കുരുമുളകുപൊടി – 1 ചെറിയ സ്പൂൺ
സവാള – 1, കഷണങ്ങളാക്കിയത്
മല്ലിയില – 1 കപ്പ്
 വെളുത്തുള്ളി – 1 കുടം

3. എണ്ണ – വറുക്കാൻ ആവശ്യത്തിന്

4. കുബ്ബൂസ് – 6–7

5. മയണീസ് – 1 കപ്പ്

6. ലെറ്റൂസ് – 1, കീറിയത്

7. തക്കാളി – 2 (നീളത്തിൽ കനം കുറച്ചരിഞ്ഞത്)

   ഉരുളക്കിഴങ്ങ് (വിരലാകൃതിയിൽ മുറിച്ചു വറുത്തത്) – 10–12

പാകം ചെയ്യുന്ന വിധം

∙വെള്ളക്കടല ഒരു രാത്രി മുഴുവൻ കുതിർത്തു വയ്ക്കണം.

∙ഇതിൽ ജീരകം പൊടിച്ചത്, മുളകു പൊടി, കുരുമുളകുപൊടി, സവാള, മല്ലിയില, വെളുത്തുള്ളി എന്നിവ ചേർത്തു മിക്സിയിലാക്കി പരിപ്പുവടയുടെ പാകത്തിനു തരുതരുപ്പായി അരച്ചെടുക്കണം. 

∙ഇതു ചെറിയ ഉരുളകളാക്കി പരിപ്പുവടയുടെ ആകൃതിയിലാക്കി ചൂടായ എണ്ണയിലിട്ടു വറുത്തു കോരുക. ഇതാണ് ഫലാഫൽ.

∙കുബ്ബൂസ് ഓരോന്നായി എടുത്ത്, രണ്ടു പാളികളാക്കി അതിനുള്ളിൽ മയണീസ് പുരട്ടുക.

∙മയണീസിനു മുകളിൽ ലെറ്റൂസ് ഇലവച്ച ശേഷം തക്കാളി, ഉരുളക്കിഴങ്ങു വറുത്തത്, ഫലാഫൽ വറുത്തു കഷണങ്ങളാക്കിയത് എന്നിവ നിരത്തി അമർത്തി ചുരുട്ടി വിളമ്പാം.