കുട്ടികളുടെ ഇഷ്ട ഭക്ഷണം വീട്ടിലുണ്ടാക്കാം
Mail This Article
കട്ലറ്റും ചീസും പച്ചക്കറിയും വാങ്ങിയാൽ കുട്ടികളുടെ ഇഷ്ട ഭക്ഷണമായ ബർഗർ വീട്ടിൽത്തന്നെയുണ്ടാക്കാം. ആരോഗ്യകരമാണ്. നല്ല ഫ്രഷായി കഴിക്കുകയും ചെയ്യാം. 4 ബർഗർ ഉണ്ടാക്കാനുള്ള റെസിപ്പി ഇതാ:
ചേരുവകൾ
കട്ലറ്റ്: 4
ചീസ്: 4
സവാള, തക്കാളി, സാലഡ് വെള്ളരി എന്നിവ വട്ടത്തിൽ കനംകുറച്ച് അരിഞ്ഞത്: 4 കഷണം വീതം
മയോണൈസ് അല്ലെങ്കിൽ ടുമാറ്റോ സോസ്– അര ടീസ്പൂൺ വീതം
ബർഗർ ബൺ: 4
ലെറ്റ്യൂസ് ഇല (ആവശ്യമെങ്കിൽ)
തയാറാക്കുന്ന വിധം
ബർഗർ ബൺ കുറെകെ മുറിക്കുക. ഒരു പാതി എടുത്ത് മയോണൈസ് അല്ലെങ്കിൽ ടുമാറ്റോ സോസ് പുരട്ടുക. ഇതിനു മേൽ സവാള, കട്ലറ്റ്, ചീസ്, തക്കാളി, ലെറ്റ്യൂസ് , വെള്ളരി എന്നിവ ഓരോന്നു വീതം വച്ച് അവസാനം ബണ്ണിന്റെ രണ്ടാമത്തെ പീസ് വയ്ക്കുക. ചേർത്തമർത്തി ടൂത്ത് പിക്ക് കുത്തുക. ബർഗർ റെഡി.
(കുട്ടികളുടെ ഇഷ്ടമനുസരിച്ചു പച്ചക്കറിയിൽ മാറ്റം വരുത്താം).