കറുമുറെ കൊറിക്കാൻ ഫഫട

കടലമാവു കൊണ്ടൊരു കിടിലൻ പലഹാരമാണ് ഫഫട. 

1. കടലമാവ് – 2 കപ്പ് ഉപ്പ് – പാകത്തിന്, അൽപം വെള്ളത്തിൽ കലക്കിയത്

2. എണ്ണ – വറുക്കാൻ ആവശ്യത്തിന്

3. ബ്ലാക്ക് സോൾട്ട്, മുളകുപൊടി – പാകത്തിന്

പാകം ചെയ്യുന്ന വിധം

∙ഒന്നാമത്തെ ചേരുവ പാകത്തിനു വെള്ളം ചേർത്തു കുഴച്ചു കട്ടിയുള്ള മാവു തയാറാക്കി അൽപനേരം വയ്ക്കുക.

∙ഇത് അരകല്ലിൽ വച്ച് ഇടിച്ചു മയപ്പെടുത്തിയ ശേഷം ചെറിയ ഉരുളകളാക്കണം.

∙ഇവ മൈദ തൂവി കനം കുറച്ചു ചപ്പാത്തികളായി പരത്തുക.

∙ഇതിൽ നിന്നും ഒരിഞ്ചു വീതിയും മൂന്നിഞ്ചു നീളവുമുള്ള സ്ട്രിപ്പുകൾ മുറിച്ചെടുക്കണം.

∙ഇതു ചൂടായ എണ്ണയിലിട്ടു വറുത്തു കോരുക.

∙ബ്ലാക്ക് സോൾട്ടും മുളകുപൊടിയും വിതറി അലങ്കരിച്ചു വിളമ്പാം.