പോർക്ക് ഇറച്ചി, ജപ്പാനിൽ കറിവയ്ക്കാൻ വെറും 10 മിനിറ്റ് മാത്രം
Mail This Article
ജപ്പാൻ രുചിവിശേഷങ്ങൾ പരിചയപ്പെടുത്തുന്ന വിത്ത് ലൗ ഫ്രം ജപ്പാൻ യൂട്യൂബ് വ്ളോഗിലൂടെ ജെല്ലൊ ടി. കെ പോർക്ക് ഡ്രൈ ഫ്രൈ പെട്ടെന്ന് തയാറാക്കുന്നതെങ്ങനെന്ന് പരിചയപ്പെടുത്തുന്നു.
ചേരുവകൾ
- പോർക്ക് ഇറച്ചി വളരെ കട്ടിക്കുറച്ച് ചെറിയ കഷ്ണങ്ങളാക്കിയത് - 1 കിലോ (പാക്കറ്റിൽ മേടിച്ചതാണ് ഇവിടെ ഉപയോഗിച്ചിരിക്കുന്നത്)
- മുളകുപൊടി – 2 സ്പൂൺ
- മഞ്ഞള്പ്പൊടി – 1 സ്പൂൺ
- ഉപ്പ് –1 1/2 സ്പൂൺ
- ഗരം മസല –1 സ്പൂൺ
തയാറാക്കുന്ന വിധം
ഒരു പാത്രത്തിൽ ഇറച്ചി എടുത്ത് അതിൽ ഉപ്പും, മുളകുപൊടി, മഞ്ഞള്പ്പൊടി, ഗരംമസല എന്നിവ ഇടുക. ഇതിലേയ്ക്ക് കുറച്ച് വെള്ളമൊഴിച്ച് നന്നായി ഇളക്കുക. മസാല നന്നായി കഷ്ണങ്ങളിൽ പിടിക്കണം. ഇറച്ചി ഒരു 5 മിനിറ്റ് മൂടി വെച്ച് വേവിക്കുക. രണ്ടു മിനിറ്റ് കഴിയുമ്പോൾ മൂടി തുറന്ന് നന്നായി ഇളക്കിക്കൊടുക്കുക. ശേഷം 3 –7 മിനിറ്റ് മൂടി വെച്ച് വേവിക്കുക. തുറന്ന് നോക്കിയാൽ ഇറച്ചി നന്നായി വെന്തിട്ടുണ്ടാകും. ഇതിലേയ്ക്ക് കുറച്ച് വെള്ള മൊഴിച്ച് തിളപ്പിച്ചാൽ കറി രൂപത്തിലാക്കാം.
English Summery : Thin slice pork dry fry recipe, Quick and Easy Recipe