ക്രിസ്മസ് സ്പെഷൽ സ്പൈസി റോസ് മേരി ടീ

ക്രിസ്മസ്....ലോകത്തിൽ ഏറ്റവും കൂടുതൽ ജനങ്ങൾ ആഘോഷിക്കുന്ന ഉത്സവം. ക്രിസ്മസ് കാരളും നക്ഷത്രവിളക്കുകളും പുൽക്കൂടും ക്രിസ്മസ് ട്രീയും എന്നു വേണ്ട ലോകം മുഴുവൻ ആഹ്ലാദത്തിമിർപ്പിലാകുന്നു. ഇതിനൊപ്പം രുചികരമായ വിഭവങ്ങളും ചേരുമ്പോൾ ആഘോഷങ്ങൾ പൂർണം.

സ്പൈസി റോസ് മേരി ടീ

1. വെള്ളം – 2 കപ്പ്
2. കറുവപ്പട്ട – 1 ചെറിയ കഷണം
തക്കോലം – 2
റോസ്മേരി– 1 വലിയ തണ്ട്
3. ചായപ്പൊടി – ¼ ചെറിയ സ്പൂൺ
പഞ്ചസാര – ആവശ്യമെങ്കിൽ

പാകം ചെയ്യുന്ന വിധം

∙വെള്ളം ഒരു സോസ്പാനിലാക്കി, അതിലേക്കു കറുവാപ്പ ട്ടയും തക്കോലവും റോസ്മേരിയും ചേർത്ത് അടച്ചു വച്ചു നന്നായി തിളപ്പിക്കുക. ചായപ്പൊടി ചേർത്തു തീ അണച്ചു പാത്രം അടച്ചു തന്നെ വയ്ക്കണം. അഞ്ചു മിനിറ്റിനു ശേഷം അരിച്ചെടുത്തു പാകത്തിനു പഞ്ചസാര ചേർത്തിളക്കുക.
∙റോസ്മേരിയുടെ തണ്ടും ഒരു കഷണം കറുവാപ്പട്ടയും ഇട്ട ഗ്ലാസിലേക്ക് ഒഴിച്ചു ചൂടോടെ വിളമ്പാം.
∙സ്പൈസി ടേസ്റ്റ് കൂടുതൽ ഇഷ്ടമുള്ളവർക്കു രണ്ടാമത്തെ ചേരുവ ചതച്ച ശേഷം വെള്ളത്തിലിട്ടു തിളപ്പിക്കാം. 

English Summary: Spicy Rosemary Tea