അപ്പത്തിനും ചപ്പാത്തിക്കുമൊപ്പം കഴിക്കാം തേങ്ങാപ്പാൽ കറി

പച്ചക്കറികൾ കൊണ്ടും ചിക്കൻ ചേർത്തും തയാറാക്കാവുന്ന രുചികരമായ കറിയാണിത്. എരിവു കുറച്ച് തയാറാക്കിയാൽ കുട്ടികൾക്കും ഏറെ ഇഷ്ടപ്പെടും.

ചേരുവകൾ

1.സവാള - ഒന്ന്
വെളുത്തുള്ളി (ചതച്ചത്) - രണ്ട് അല്ലി
ഇഞ്ചി (ചതച്ചത്) - ചെറിയ കഷണം
കറിവേപ്പില - ആവശ്യത്തിന്
പച്ചമുളക് - എരിവിന്

2.ഉരുളക്കിഴങ്ങ് - ഒരെണ്ണം
കാരറ്റ് - ഒന്ന്
കാപ്‌സിക്കം - ഒരെണ്ണം
ഗ്രീൻപീസ് - ഒരു പിടി

3.തേങ്ങാപ്പാൽ - ആവശ്യമനുസരിച്ച്
4. മല്ലിയില - ആവശ്യത്തിന്

തയാറാക്കുന്ന വിധം

തേങ്ങയുടെ ഒന്നാം പാൽ മാറ്റിവയ്‌ക്കുക. ഒന്നാമത്തെ ചേരുവകൾ വഴറ്റി ഇതിൽ രണ്ടാം പാൽ ഒഴിച്ച് ഉരുളക്കിഴങ്ങ്, കാരറ്റ്, കാപ്‌സിക്കം, ഗ്രീൻപീസ് എന്നിവ വേവിക്കുക. വെന്തശേഷം ഒന്നാം പാൽ ഒഴിച്ചു മല്ലിയില വിതറി വാങ്ങുക. ചിക്കൻ കൊണ്ടും ഈ കറി തയാറാക്കാം.

English Summary: Stew Recipe