ഇഷ്ടപ്പെടുന്ന രുചിയിൽ പൊട്ടറ്റോ കറി
Mail This Article
രുചികരമായ പൊട്ടറ്റോ കറി എങ്ങനെ തയാറാക്കാമെന്നു നോക്കാം. സവാളയും ഇഞ്ചിയും വെളുത്തുള്ളിയും ചേർന്ന കൂട്ടിൽ വെന്തു വരുന്ന ഉരുളക്കിഴങ്ങ് ഗരം മസാല വിതറി വാങ്ങി, തേങ്ങാപ്പാൽ ചേർത്ത് യോജിപ്പിച്ചെടുക്കാം.
1. ഉരുളക്കിഴങ്ങ് കഷ്ണങ്ങളായി നുറുക്കിയത്- 250 ഗ്രാം.
2. സവാള നുറുക്കിയത്- 50 ഗ്രാം, തക്കാളി, രണ്ട് എണ്ണം.
3. ഇഞ്ചി, വെളുത്തുള്ളി നുറുക്കിയത്- രണ്ടു സ്പൂൺ.
4. ഉപ്പ്, മഞ്ഞൾപ്പൊടി-പാകത്തിന്.
5. കുരുമുളകുപൊടി– കാൽ ടീ സ്പൂൺ.
6. ഗരം മസാല- അര ടീസ്പൂൺ.
7. തേങ്ങാപ്പാൽ- 100 മില്ലി.
8. എണ്ണ- അഞ്ചു സ്പൂൺ.
തയാറാക്കുന്ന വിധം:
പാനിൽ എണ്ണ ഒഴിച്ച് 2 മുതൽ 5 വരെയുള്ള ചേരുവകൾ നന്നായി വഴറ്റുക. ഇതിലേക്ക് നുറുക്കിയ ഉരുളക്കിഴങ്ങും പാകത്തിന് വെള്ളവും ഒഴിച്ച് വേവിക്കുക. വെന്ത ശേഷം ഗരം മസാല ചേർത്ത് ഇളക്കുക. ഇറക്കിവച്ച് തേങ്ങാപ്പാൽ ചേർത്ത് ഉപയോഗിക്കുക.
English Summary: Potato Curry