ADVERTISEMENT

മത്തി ഇപ്പോൾ ഫൈവ് സ്റ്റാർ സ്റ്റാറ്റസ് ഉള്ള വിഭവമാണ്. മത്തി ഫ്രൈ കഴിച്ചു മടുത്തെങ്കിൽ ഒരു പോംവഴിയുണ്ട്. മത്തി ഫ്രൈ കൊണ്ട് ഉഗ്രൻ രുചിയിൽ പീരവയ്ക്കുന്നത് എങ്ങനെയെന്നു നോക്കാം.

ചേരുവകൾ

1. ചെറിയ മത്തി - 15 എണ്ണം (ചെറിയ മത്തി)
2. തേങ്ങ - ഏകദേശം മത്തിയുടെ പകുതി അളവിൽ (കുറഞ്ഞാലും കൂടിപ്പോകരുത്)
3. പച്ചമുളക് - 4 എണ്ണം
4. ഇഞ്ചി - 1 ചെറിയ കഷണം.
5. സവാള - 1 ചെറുതിന്റെ പകുതി
6. കറിവേപ്പില -1 തണ്ട്
7. മുളകുപൊടി - 2 ടേബിൾ സ്പൂൺ
8. മഞ്ഞൾപ്പൊടി - 1/2 ടേബിൾ സ്പൂൺ
9. കുരുമുളകു പൊടി - 1 1/2 ടേബിൾ സ്പൂൺ
10. ഉപ്പ് - ആവശ്യത്തിന്
11. എണ്ണ - ആവശ്യത്തിന്

തയാറാക്കുന്ന വിധം.

കഴുകി വൃത്തിയാക്കിയ മത്തി വരഞ്ഞതിനു ശേഷം ഉപ്പ്, മുളകുപൊടി (1 1/2 ടേബിൾ സ്പൂൺ), മഞ്ഞൾപ്പൊടി, കുരുമുളകു പൊടി എന്നിവ യോജിപ്പിച്ച് പുരട്ടി വയ്ക്കുക. (വറുക്കുന്നതിന് ചെയ്യുന്നതു പോലെ )

ഒരു ഫ്രൈ പാനിൽ എണ്ണ ഒഴിച്ച് മത്തി നിരത്തി രണ്ടു വശവും വറുത്തെടുക്കുക. ഇത് നന്നായി കുത്തിപ്പൊടിച്ച് ഇളക്കുക.ശേഷം മത്തി പാനിൽ തന്നെ വകഞ്ഞുമാറ്റി ഓയിൽ ആവശ്യമെങ്കിൽ ഒഴിച്ച് കറിവേപ്പില, ഇഞ്ചി, പച്ചമുളക്, സവാള എന്നിവ  ചേർത്ത് ഇളക്കി പച്ചമണം മാറുമ്പോൾ 1/2 ടേബിൾ സ്പൂൺ മുളകുപൊടി ഇട്ട് മൂപ്പിച്ച ശേഷം ചിരകിയ തേങ്ങ ചേർത്തിളക്കി ഒരു മിനിറ്റു കഴിഞ്ഞ് മാറ്റിവച്ചിരിക്കുന്ന മത്തിയും ചേർത്ത് യോജിപ്പിച്ച് ഫ്രൈ ചെയ്തെടുക്കുക. 

English Summary: Fish Fry Recipe

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com