ചെമ്പരത്തി, രാമച്ചം, മൂസമ്പി; കുടിച്ചിട്ടുണ്ടോ ഈ 3 ഇൻ 1 ജ്യൂസ്?

ഉള്ളം കുളിർപ്പിക്കാനും ഉൻമേഷം പകരാനും നല്ലൊരു ഹെൽത്തി ജ്യൂസ് പരിചയപ്പെടാം.

ചേരുവകൾ

• ചെമ്പരത്തി പൂവ് –  5 എണ്ണം
• മുസമ്പി  –     1
• രാമച്ച വേര് – 2 എണ്ണം 
• പഞ്ചസാര –  മധുരം അനുസരിച്ച്
• തേൻ –       1 ടീസ്പൂൺ
• വെള്ളം – രണ്ട് ഗ്ലാസ്സ്
• കറുത്ത കസ്കസ്    – 1 ടീസ്പൂൺ

തയാറാക്കുന്ന വിധം

• ഒരു ഗ്ലാസ്സ് വെള്ളം രാമച്ച വേര് ഇട്ട് തിളപ്പിച്ച് ചൂടാറാൻ വയ്ക്കുക.
  
• വെള്ളം തിളക്കുമ്പോൾ തീ ഓഫ് ചെയ്ത് ചെമ്പരത്തിപ്പൂവിന്റെ ഇതളുകൾ ഇട്ട് അടച്ചു വച്ച് 5 മിറ്റിനു ശേഷം അരിച്ച് ചൂടാറാൻ വയ്ക്കുക.
• രണ്ട് ടേബിൾ സ്പൂൺ വെള്ളത്തിൽ കസ്കസ് കുതിർത്ത് വെക്കുക.
• മൂസമ്പി ജ്യൂസ് എടുത്ത് വയ്ക്കുക.
• ഒരു ബൗളിലേയ്ക്ക് ചെമ്പരത്തി വെള്ളവും രാമച്ചവെള്ളവും മുസമ്പി ജ്യൂസും
  മിക്സ് ചെയ്ത് ആവശ്യത്തിന് പഞ്ചസാര ചേർത്ത് തേനും ചേർത്ത് യോജിപ്പിച്ച ശേഷം സെർവിങ്ങ് ഗ്ലാസിലേയ്ക്ക് മാറ്റി കസ്കസും ഐസ് ക്യൂബ്സും ചേർത്ത് കുടിക്കാം.