ഊണിനൊപ്പം ഒന്നാന്തരം താറാവ് പിരളൻ
Mail This Article
ഊണിനൊപ്പം രുചികരമായ താറാവ് പിരളൻ തയാറാക്കുന്നത് എങ്ങനെയെന്നു നോക്കാം.
1. വെളിച്ചെണ്ണ- നാലു വലിയ സ്പൂൺ
2. സവാള- മൂന്ന്, നീളത്തിൽ കനം കുറച്ച് അരിഞ്ഞത്
ഇഞ്ചി- ഒരിഞ്ചു കഷണം,
നീളത്തിൽ കനം കുറച്ച് അരിഞ്ഞത്
പച്ചമുളക്- അഞ്ച്, പിളർന്നത്
കറിവേപ്പില- രണ്ടു തണ്ട്
ഉപ്പ്- പാകത്തിന്
3. വെളുത്തുള്ളി- എട്ട് അല്ലി
ഇഞ്ചി- അരയിഞ്ച് കഷണം
പെരുംജീരകം- അര ചെറിയ സ്പൂൺ
കുരുമുളക്- രണ്ടു ചെറിയ സ്പൂൺ
മഞ്ഞൾപ്പൊടി - അര ചെറിയ സ്പൂൺ
മീറ്റ് മസാലപ്പൊടി - ഒരു ചെറിയ സ്പൂൺ
മല്ലിപ്പൊടി- രണ്ടു വലിയ സ്പൂൺ
കശ്മീരി മുളകുപൊടി - ഒന്നര വലിയ സ്പൂൺ
4. തക്കാളി- രണ്ട്, അരിഞ്ഞത്
5. താറാവ്- ഒന്ന്, കഷണങ്ങളാക്കിയത്
പാകം ചെയ്യുന്ന വിധം
∙ ചട്ടിയിൽ വെളിച്ചെണ്ണ ചൂടാക്കി രണ്ടാമത്തെ ചേരുവ വഴറ്റുക.
∙ ഇതിലേക്ക് മൂന്നാമത്തെ ചേരുവ അരച്ചതു ചേർത്തു നന്നായി വഴറ്റിയ ശേഷം തക്കാളി ചേർത്തു വഴറ്റണം.
∙ ഇതിലേക്കു താറാവും പാകത്തിനു വെള്ളവും ചേർത്ത് ഇളക്കിയ ശേഷം പ്രഷർ കുക്കറിലാക്കി വേവിക്കുക.
∙ കറി പിരളൻ പരുവത്തിൽ വാങ്ങാം.
English Summary: Duck Peralan