കർക്കടക കഞ്ഞിക്കൊപ്പം പോഷക സമ്പൂർണ്ണമായ മുതിര ചമ്മന്തി
Mail This Article
മലയാളിക്ക് മനസ്സിൽ തട്ടിയ കൂട്ടാനാണ് ചമ്മന്തി. എത്ര വളർന്നാലും ഇനി കടലും കടന്ന് അങ്ങ് ദേശം വിട്ട് പോയാലും അവിടെ ചെന്ന് ആ നാടിന്റെ ശീലങ്ങൾ ഏറ്റുവാങ്ങിയാലും മറക്കാത്ത ഒരേ ഒരു രുചി. നാവിന്റെ രസച്ചരട് പൊട്ടിക്കാൻ ഇതിൽ കൂടുതൽ ഒന്നും വേണ്ട. ചമ്മന്തിയെ സംബന്ധിച്ച് ഒരു രഹസ്യം പറയട്ടെ സംസ്കൃത പദം സംബന്ധി പിന്നെ സമ്മന്തി ആയി പിന്നെ ചമ്മന്തിയായ്.. അതായത് ബന്ധിപ്പിച്ച ആ ബന്ധം മുറിയാതെ ഇരിക്കണം. ചമ്മന്തി ഉരുട്ടുമ്പോ നമ്മൾ ആരേലും ഇതൊക്കെ ഓർത്തിട്ട് ആണോ ആ ക്രിയ ചെയുന്നത്. അപ്പോ വിഷയത്തിലേക്കു കടക്കാം. ഒരു മുതിര ചമന്തി ഉരുട്ടിയ കഥയാണ് സംഭവം എപ്പോഴും കഴിക്കാൻ പറ്റുന്ന കിടിലൻ ഐറ്റം ആണ്. കുതിര പോലെ ആയില്ല എങ്കിലും ധാന്യങ്ങളിൽ ഏറ്റവും പോഷക സമ്പുർണ്ണമാണ് മുതിര. പ്രത്യേകിച്ച് ഈ കർക്കടകത്തിൽ കഴിക്കാൻ ഏറ്റവും സുഖം പെട്ടന്ന് ദഹിക്കുന്ന ആഹാരവുമാണ്.
മുതിര ഉരുട്ട് ചമ്മന്തി
- മുതിര - 50 ഗ്രാം
- നാളികേരം - അര മുറി
- വറ്റൽ മുളക് - 4 എണ്ണം
- കറിവേപ്പില
- ഉള്ളി - 4എണ്ണം
- ഇഞ്ചി - ഒരു ചെറിയ കഷ്ണം
- വെളുത്തുള്ളി - 2 അല്ലി
- ശർക്കര - 1/4 ടീസ്പൂൺ
- ഉപ്പ് - ആവശ്യം അനുസരിച്ച്
- കുരുമുളക് - 1/4 ടീസ്പൂൺ
- പുളി - ആവശ്യം അനുസരിച്ച്
- കായം - ഒരു നുള്ള്
- പച്ച വെളിച്ചെണ്ണ -1/2 ടീസ്പൂൺ
തയാറാക്കുന്ന വിധം
എല്ലാം നല്ലത് പോലെ വറുത്ത് പൊടിച്ച് അൽപം വെളിച്ചെണ്ണ ചേർത്ത് ഉരുട്ടി കഞ്ഞിക്ക് മാത്രമല്ല ദോശയുടെ കൂടെയും കഴിക്കാം.
English Summary : Horse gram is the best source of protein that you can include in your diet.