പാൽതിരട്ടിപ്പാൽ,തേങ്ങാ തിരട്ടിപ്പാൽ പിന്നെ കൈമുറുക്ക്; ദീപാവലി ആഘോഷമാക്കാം
Mail This Article
ദീപാവലി ആഘോഷമാക്കാൻ രുചിയേറും മൂന്ന് വിഭവങ്ങൾ ഇതാ... തയാറാക്കിയത് മണിസ്വാമിസ് കിച്ചണിലെ ഉമാമഹേശ്വരയ്യരും ഗീതാ ഉമാമഹേശ്വരയ്യരും. ഇരുവരും കോട്ടയം ബ്രാഹ്മണ സമൂഹം പുരുഷ, വനിതാ വിഭാഗം സെക്രട്ടറിമാരാണ്.
പാൽതിരട്ടിപ്പാൽ
ചേരുവകൾ
- പാൽ – അര ലിറ്റർ
- പഞ്ചസാര – 100 ഗ്രാം
- നാരങ്ങനീര് – ഒരു സ്പൂൺ ( പാൽ പിരിക്കാൻ )
തയാറാക്കുന്ന വിധം
പാൽ തിളക്കുമ്പോൾ നാരങ്ങനീര് ഒഴിച്ച് പാൽ പിരിക്കുക. പിരിഞ്ഞ പാൽ നന്നായി വറ്റി വരുമ്പോൾ പഞ്ചസാര ഇടുക. നന്നായി പാൽ വറ്റികഴിയുമ്പോൾ. പാൽതിരട്ടിപാൽ തയാർ.
തേങ്ങതിരട്ടിപ്പാൽ
ചേരുവകൾ
- അരമുറി തേങ്ങാ ചിരവിയത്
- ശർക്കര – 250 ഗ്രാം
- നെയ്യ് – ആവശ്യത്തിന്
- നട്സ് – ആവശ്യത്തിന്
- ഏലക്കായ – ആവശ്യത്തിന്
തയാറാക്കുന്ന വിധം
- ശർക്കര പാനിയാക്കി അരിച്ചു തിളപ്പിക്കുക. ശർക്കര തക്കാളി പരുവം ആകുമ്പോൾ ( തിളപ്പിച്ച ശർക്കര വെള്ളത്തിൽ ഒഴിച്ചാൽ വെള്ളത്തിൽ അലിയാത്ത പരുവം )
- ചിരവിവെച്ചിരിക്കുന്ന തേങ്ങാ ഇട്ട് ഇളക്കുക. വെള്ളം നന്നായി വറ്റി കഴിയുമ്പോൾ തീയണച്ച് ഏലക്കായും നെയ്യിൽ വറുത്ത നട്സും ഇട്ട് ഇളക്കുക. തേങ്ങാ തിരട്ടിപ്പാൽ തയാർ.
കൈമുറുക്ക്
ചേരുവകൾ
- പൊന്നിയരി – ഒരു ഗ്ലാസ്
- ഉഴുന്ന്മാവ് – 2 ടേബിൾ സ്പൂൺ
- വെണ്ണ – 25 ഗ്രാം
- ഉപ്പ് – ആവശ്യത്തിന്
- വെളിച്ചെണ്ണ – 1 ലിറ്റർ
തയാറാക്കുന്ന വിധം
പൊന്നിയരി നന്നായി വെള്ളമില്ലാതെ അരച്ചെടുക്കുക. അതിൽ ഉഴുന്ന് മാവ്, വെണ്ണ, ഉപ്പ് എന്നിവചേർത്തു നന്നായി കുഴക്കുക. ഈ മാവ് മുറുക്ക് തട്ടിൽ കൈകൊണ്ടു പിരിച്ചു ചുറ്റുക. എന്നിട്ട് വെളിച്ചെണ്ണയിൽ പൊരിച്ചെടുക്കുമ്പോൾ കൈമുറുക്ക് തയാർ.
English Summary : Diwali Special Snack Recipe