പിടയ്ക്കണ മീനും തലക്കറിയുടെ രുചിയും : വിഡിയോ

ആലപ്പുഴ പാണാവള്ളി പുത്തൻ വെളിയിലെ കുളം വെട്ടും എൻജിൻ വച്ച് വെള്ളം വറ്റിക്കലും മീൻ പിടുത്തവും  ഒന്നേകാൽ കിലോ തൂക്കമുള്ള വലിയ തിലോപ്പിയ തലക്കറിയും തയാറാക്കുന്നത് എങ്ങനെയെന്നു നോക്കാം. തലക്കറി... തയാറാക്കുമ്പോൾ  എരിവ് മുന്നിട്ടു നിൽക്കണം.

ചേരുവകൾ

• വലിയ തിലോപ്പിയ തല – 2
• മുളകുപൊടി – 2 സ്പൂൺ
• മഞ്ഞൾപ്പൊടി – 2 സ്പൂൺ
• കുരമുളകു പൊടി – ഒരു ചെറിയ സ്പൂൺ
• സവാള – 2
• തക്കാളി – 1
• പച്ചമുളക് – 4
• കുടംപുളി – 3 കഷണം
• വിനാഗിരി – 2 സ്പൂൺ
• വെളിച്ചെണ്ണ , ഉപ്പ് – പാകത്തിന്

പാചകകുറിപ്പ് 

• മുറിച്ചെടുത്ത മീൻ തല നന്നായി കഴുകി മുളകുപൊടി, കുരുമുളകുപൊടി, മഞ്ഞൾപ്പൊടി, ഉപ്പ്,  വിനാഗിരിയിൽ ചാലിച്ച് പുരട്ടി 15 മിനിറ്റ് വയ്ക്കണം.
• ശേഷം  ചട്ടിയിൽ വെളിച്ചെണ്ണ ചൂടാകുമ്പോൾ  ഇഞ്ചിയും വെളുത്തുള്ളിയും ചതച്ചത് വഴറ്റണം.
• ഇത് ബ്രൗൺ നിറം ആകുമ്പോൾ തക്കാളി, സവാള, പച്ചമുളക് എന്നിവ അരിഞ്ഞത് ഇട്ടു നന്നായി വഴറ്റണം.
• കുടമ്പുളിയും ചേർത്ത്  വലിയ ഗ്ലാസ് വെള്ളം ഒഴിച്ച് തിളച്ച ശേഷം തല ചേർത്തു വേവിക്കണം. 
  
  English Summary : Traditional recipe of Thalakkari.