ഓണത്തിനൊരുക്കാം ഒന്നാന്തരം ഈന്തപ്പഴം ബദാം പായസം

വളരെ എളുപ്പത്തിലൊരുക്കാം രുചികരമായ ഈന്തപ്പഴം ബദാം പായസം.

1.പാൽ - ഒന്നര ലീറ്റർ
പഞ്ചസാര - 250 ഗ്രാം
2.നെയ്യ് - രണ്ടു വലിയ സ്പൂൺ
3.ഈന്തപ്പഴം - 250 ഗ്രാം, കുരു കളഞ്ഞ് ചെറിയ കഷണങ്ങളാക്കിയത്
4.ബദാം - 50 ഗ്രാം, തൊലി കളഞ്ഞ് അരച്ചത്
5.ഏലയ്ക്കാപ്പൊടി - ഒരു ചെറിയ സ്പൂൺ
6.ബദാം നുറുക്കിയത് - അലങ്കരിക്കാൻ

പാകം ചെയ്യുന്ന വിധം

• പാനിൽ പാലും പഞ്ചസാരയും ചേർത്ത് കുറുക്കുക. പാൽ ഒരു ലീറ്ററായി കുറുകുമ്പോൾ വാങ്ങി വയ്ക്കുക.
• ഉരുളിയിൽ നെയ്യ് ചൂടാക്കി ഈന്തപ്പഴം ചേർത്തു വഴറ്റണം.
• ഇതിലേക്ക് ബദാം അരച്ചതും ചേർത്തു നന്നായി യോജിപ്പിക്കുക.
• പാൽ കുറുകിയതും ചേർത്തു നന്നായി തിളയ്ക്കുമ്പോൾ ഏലയ്ക്കാപ്പൊടി ചേർത്തു വാങ്ങണം.
• ബദാം നുറുക്കിയതു കൊണ്ട് അലങ്കരിച്ചു വിളമ്പാം.

English Summary : Dates Almond Payasan for Onam Sadya.