ചൂട് ഉണ്ണിയപ്പം, കൊതി തീരേ കഴിക്കാം

രണ്ടു വശവും മൊരിയിച്ചെടുത്ത ചൂട് ഉണ്ണിയപ്പം വീട്ടിൽ തന്നെ തയാറാക്കാം.

ചേരുവകൾ 

• പച്ചരി - 1കപ്പ്‌
• ശർക്കര - 3/4കപ്പ്‌
• തിരുമ്മിയ തേങ്ങാ- 1/2കപ്പ്‌
• ഏലക്കപ്പൊടി - 1/2 ടീസ്പൂൺ
• നെയ്യ് - 1 ടേബിൾസ്പൂൺ
• ചെറുപഴം - 1
• എണ്ണ - ആവശ്യത്തിന്

പാകം ചെയ്യേണ്ട വിധം 

• പച്ചരി ഒരു മണിക്കൂർ വെള്ളത്തിൽ കുതിർത്ത ശേഷം നന്നായി അരച്ചെടുക്കുക. 
  
• അതിൽ ശർക്കര, പഴം, തേങ്ങാ എന്നിവ ചേർത്ത് ഇഡ്ഡലി മാവിന്റെ പരുവത്തിൽ അരച്ചെടുത്തു നെയ്യും ഏലക്ക പൊടിയും ഇട്ട് ഇളക്കി വയ്ക്കുക.
• ഉണ്ണിയപ്പച്ചട്ടിയിൽ എണ്ണ ഒഴിച്ച് ചൂടാകുമ്പോൾ ഓരോ കുഴിയിലും മാവൊഴിച്ചു രണ്ടു വശവും മൊരിഞ്ഞു വരുമ്പോൾ കോരിയെടുക്കുക. 

English Summary : Unniyappam Recipe, Easy Snack.