ഇഡ്ഡലിയ്ക്കൊരു മേയ്ക്ക് ഒാവറായാലോ? ട്രൈ ചെയ്യാം തിന ഇഡ്‌ലി

പ്രഭാത ഭക്ഷണത്തിൽ ആരോഗ്യകരമായി പുതുമ തേടുകയാണോ? പരീക്ഷിക്കാം തിന ഇഡ്‌ലി

ചേരുവകൾ

1. തിന – 1 കപ്പ്

2. പച്ചരി – 3 കപ്പ്

3. ഉഴുന്ന് – 1 കപ്പ്

4. ചൗവ്വരി – 1/4 കപ്പ്

5. ഉലുവ – 1 1 ടീ സ്പൂൺ

6. കാരറ്റ് പൊടിയായി അരിഞ്ഞത് – ½ കപ്പ്

7. മല്ലിയില – ആവശ്യത്തിന്

8. ഉപ്പ് –  ആവശ്യത്തിന് 

പാകം ചെയ്യുന്ന വിധം

തിന, പച്ചരി, ഉഴുന്ന്, ഉലുവ ഇവ നന്നായി കഴുകി 7 മണിക്കൂറോളം കുതിർക്കാൻ വയ്ക്കുക. 

ചൗവ്വരി കഴുകി വേറെ പാത്രത്തിൽ 7 മണിക്കൂർ കുതിർക്കാൻ വയ്ക്കുക. 

രണ്ടു ചേരുവകളും വെവ്വേറെ അരച്ച് ഒന്നിച്ച് ഒരു പാത്രത്തിൽ ചേർത്തു യോജിപ്പിച്ചു വയ്ക്കുക. 

രാത്രിയിൽ മാവു പൊങ്ങി വരുവാൻ വേണ്ടി വയ്ക്കുക. 

രാവിലെ മാവിലേക്ക് ഉപ്പും കാരറ്റും മല്ലിയിലയും ചേർത്തിളക്കി ഇഡ്ഡലി തയാറാക്കാവുന്നതാണ്.

Content Summary : Healthy Recipe Zero Oil Millet Idli Recipe by Pinky Aravind