കള്ള്ഷാപ്പ് മീൻകറിയുടെ രഹസ്യക്കൂട്ട് ഇതാണ്!

നാവിൽ വെള്ളമൂറുന്നൊരു മീൻകറിക്കൂട്ട്. കള്ളുഷാപ്പിൽ കിട്ടുന്ന മീന്‍കറിയെങ്കിൽ പറയുകയും വേണ്ട, കുടുംപുളിയും വെളുത്തുളളിയും ഇഞ്ചിയും രുചിക്കുന്ന ഈ മീൻകറി എളുപ്പത്തിൽ തയാറാക്കാം.

ചേരുവകൾ

മീൻ - അര കിലോ

ഇഞ്ചി - ഒരു കഷ്ണം ചെറുതായി അരിഞ്ഞത്

വെളുത്തുള്ളി - 5 അല്ലി

കുടം പുളി - 2 വലിയ കഷണം

പച്ചമുളക് - 3 എണ്ണം

മുളക് പൊടി - 2 ടേബിൾ സ്പൂൺ

മഞ്ഞൾ പൊടി - അര ടീസ്പൂൺ

ഉലുവ

കടുക്

ഉപ്പ്

വെളിച്ചെണ്ണ

ഉണക്ക മുളക് – 2

തയാറാക്കുന്ന വിധം 

∙ ഒരു മൺചട്ടിയിൽ വെളിച്ചെണ്ണ ഒഴിച്ചു ചൂടായതിനു ശേഷം, കടുകും, ഒരു നുള്ളു ഉലുവയും, 2 ഉണക്ക മുളകും, കറിവേപ്പിലയും ഇടുക.

∙ അതിനു ശേഷം ചെറുതായി അരിഞ്ഞു വെച്ചിരിക്കുന്ന ഇഞ്ചിയും വെളുത്തുള്ളിയും പച്ചമുളകും ഇട്ടു വഴറ്റുക.

∙ ഇതിലേക്ക് 2 ടേബിൾ സ്പൂൺ മുളക് പൊടിയും അര ടീസ്പൂൺ മഞ്ഞൾപൊടിയും ചേർത്ത് വഴറ്റുക.

∙ വെള്ളത്തിൽ കുതിർത്തു വെച്ച കുടംപുളി ചേർക്കുക, അതിനു ശേഷം തിളപ്പിച്ച വെള്ളവും ഉപ്പും ചേർത്ത ഒന്ന് ചൂടാക്കുക. ഈ കൂട്ടിലേക്ക് മീൻ ചേർത്തു വേവിക്കുക. വെള്ളം വറ്റി നല്ല കുറുകി വരണം. അതിനു ശേഷം തീ ഓഫ് ചയ്തു ചൂടാറിയതിനു ശേഷം ഉപയോഗിക്കുക.