Manoramaonline.com no longer supports Internet Explorer 8 or earlier. Please upgrade your browser.  Learn more »

കൂൾ...ബീറ്റ്റൂട്ട് സാലഡ് വിത്ത് റാഡിഷ് ആൻഡ് ചീസ്

Beetroot-salad

സാലഡ് രുചിയിൽ പുതുമകൾ ഇഷ്ടപ്പെടുന്നവർക്ക് ധൈര്യമായി തയാറാക്കാവുന്ന സാലഡ് രുചി പരിചയപ്പെടാം.

1. ബീറ്റ്റൂട്ട് - നാല്, ഒരു വിധം വലുപ്പമുള്ളത്
2. മുള്ളങ്കി - രണ്ട്, നീളമുള്ളത്
3. എക്ട്രാവെർജിൻ ഒലിവ് ഓയിൽ- ആറു വലിയ സ്പൂൺ
ഫ്രെഷ് നാരങ്ങാ നീര് - രണ്ടു വലിയ സ്പൂൺ
4. കല്ലുപ്പ്, കുരുമുളകുപൊടി - പാകത്തിന്
5. മൊസെറല്ല ചീസ് - 200ഗ്രാം
6. ഇളം പുതിനയില (ചെറുത്) - ഒരു ചെറിയ കെട്ട്
എണ്ണയില്ലാതെ വറുത്തെടുത്ത എള്ള് - ഒരു പിടി

പാകം ചെയ്യുന്ന വിധം

∙ ബീറ്റ്റൂട്ട് നന്നായി കഴുകി വൃത്തിയാക്കി മുകൾവശം നീക്കിയശേഷം പ്രഷർകുക്കറിലാക്കി വേവിക്കുക.
∙ പ്രഷർകുക്ക് ചെയ്ത വെള്ളം അരിച്ച് മാറ്റിവച്ചാൽ പാസ്ത  ഉണ്ടാക്കാനായി ഉപയോഗിക്കാം.
∙ ബീറ്ററൂട്ട് ചൂടാറിയശേഷം തൊലി കളഞ്ഞു കനം കുറച്ചു വട്ടത്തിൽ അരിയുക.
∙ ഇത് ഒരു സാലഡ് ബൗളിലാക്കി, ഫ്രിഡ്ജിൽ വച്ചു തണുപ്പിക്കുക.
∙ മുള്ളങ്കി വൃത്തിയാക്കി തൊലികളഞ്ഞശേഷം കനം കുറച്ചു നീളത്തിൽ തീപ്പെട്ടിക്കമ്പു പോലെ അരിയുക.
∙ ഇത് ബീറ്റ്റൂട്ടിനൊപ്പം സാലഡ് ബൗളിലാക്കി വീണ്ടും ഫ്രിഡ്ജിൽ വയ്ക്കുക.
∙ മറ്റൊരു ബൗളിൽ ഒലിവ് ഓയിലും നാരങ്ങാനീരുമെടുത്തു യോജിപ്പിക്കുക.
∙ ഇതിൽ പാകത്തിന് ഉപ്പും കുരുമുളകുപൊടിയും ചേർക്കുക. ഇതാണ് ഡ്രസിങ്.
∙ വിളമ്പുന്നതിനു തൊട്ടുമുമ്പ് സാലഡ് ബൗൾ ഫ്രിഡ്ജിൽ നിന്നു പുറത്തെടുത്ത് അതിൽ ഡ്രസിങ് ചേർത്തു കുടഞ്ഞു യോജിപ്പിക്കുക.
∙ ഇതിനു മുകളിൽ മൊസറല്ല ചീസ് വിതറി യോജിപ്പിച്ചശേഷം പുതിനയിലയും എള്ളും വിതറുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.