Manoramaonline.com no longer supports Internet Explorer 8 or earlier. Please upgrade your browser.  Learn more »

കഴിക്കാം രുചികരമായ പാസ്ത, ടുമാറ്റോ സോസിനൊപ്പം

Pasta

വ്യത്യസ്തമായരു പാസ്ത ടുമാറ്റോ രുചിക്കൂട്ട് പരിചയപ്പെട്ടാലോ?

1. പെന്നെ പാസ്ത - അരക്കിലോ
2. ഒലിവ് ഓയിൽ - പാകത്തിന്
3. സവാള - ഒന്ന്, പൊടിയായി അരിഞ്ഞത്
ചുവന്ന മുളക് - ഒന്ന്, അരി കളഞ്ഞു പൊടിയായി അരിഞ്ഞത്
മല്ലിയില - ഒരു കെട്ട്, പൊടിയായി അരിഞ്ഞത്
4. തക്കാളി - 800 ഗ്രാം, പൊടിയായി അരിഞ്ഞത്
5. കല്ലുപ്പ്, കുരുമുളകുപൊടി - പാകത്തിന്
6. മല്ലിയില, ഒലിവ് ഓയിൽ - കുറച്ച്
ചെഡ്ഡർ ചീസ് ഗ്രേറ്റ് ചെയ്തത് - ഒരു പിടി

പാകം ചെയ്യുന്ന വിധം

∙ ഒരു സോസ്പാനിൽ അല്പം ഉപ്പുവെള്ളം എടുത്ത് അതിൽ ബീറ്റ് റൂട്ട് വേവിച്ച വെള്ളവും ചേർത്തു തിളപ്പിച്ചശേഷം പാസ്ത ചേർത്ത് പായ്ക്കറ്റിൽ പറഞ്ഞിരിക്കുന്നത് അനുസരിച്ച് പാസ്ത വേവിക്കുക.

∙ മുക്കാൽ വേവിൽ, കടി കൊള്ളുന്ന പരുവത്തിൽ വാങ്ങി ഊറ്റി വെള്ളം വാലാൻ വയ്ക്കുക.

∙ ചുവടുകട്ടിയുള്ള പാനിൽ ഒലിവ് ഓയിൽ ചൂടാക്കി മൂന്നാമത്തെ ചേരുവ ചേർത്ത് ഇടത്തരം ചെറുചൂടിൽ ഏകദേശം അഞ്ചുമിനിറ്റ് വഴറ്റുക.

∙ സവാള മൃദുവാകുമ്പോൾ തീ കൂട്ടിയശേഷം തക്കാളി ചേർത്തു തിളപ്പിക്കണം. പിന്നീട് തീ കുറച്ചശേഷം 15 മിനിറ്റ് ചെറു തീയിൽ വേവിക്കുക. ഉപ്പും കുരുമുളകുപൊടിയും ചേർത്തിളക്കുക.

∙ വേവിച്ചു വച്ചിരുന്ന പാസ്ത ഇതിൽ ചേർത്തു കുടഞ്ഞു യോജിപ്പിക്കുക.

∙ പിന്നീട് ആറാമത്തെ ചേരുവയും ചേർത്തിളക്കി യോജിപ്പിച്ചശേഷം പാത്രം അടച്ചുവച്ച് ഒരു മിനിറ്റ് വേവിക്കുക

∙ ഉപ്പും എരിവും പാകത്തിനാക്കി ഉടൻ തന്നെ വിളമ്പുക.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.