Manoramaonline.com no longer supports Internet Explorer 8 or earlier. Please upgrade your browser.  Learn more »

പ്രോട്ടീനും ഊർജവും നിറഞ്ഞ സ്റ്റഫ്ഡ് ചീര

469051807

വെറൈറ്റി ഇഷ്ടപ്പെടുന്ന കുട്ടികൾക്ക് ടിഫിൻ ബോക്സിൽ ഇതു രണ്ടെണ്ണം വച്ചുനോക്കൂ... നിറയെ പ്രോട്ടീനും ഊർജവും ഉറപ്പ്.

1. ചെറുപയർ പരിപ്പ് - 50 ഗ്രാം
ചീര - 15 ഗ്രാം
2. പച്ചമുളക് - ഒന്ന്
ഉപ്പ് -പാകത്തിന്
മഞ്ഞൾപ്പൊടി- ഒരു നുള്ള്
3. വെള്ളം - പാകത്തിന്
4. എണ്ണ - ഒരു വലിയ സ്പൂൺ
ഫില്ലിങ്ങ്
5. ഉരുളക്കിഴങ്ങ് - 65 ഗ്രാം
6. എണ്ണ - രണ്ടു ചെറിയ സ്പൂൺ
7. ഉഴുന്നു പരിപ്പ് - ഒരു ചെറിയ സ്പൂൺ
പച്ചമുളക് - ഒന്ന്, അരിഞ്ഞത്
കറിവേപ്പില - ഒരു തണ്ട്
സവാള അരിഞ്ഞത് - ഒരു വലിയ സ്പൂൺ
8. കായം - ഒരു നുള്ള്
ഉപ്പ് - പാകത്തിന്
9. എണ്ണ - ഒരു വലിയ സ്പൂൺ

പാകം ചെയ്യുന്ന വിധം

∙ ചെറുപയർപരിപ്പും ചീരയും ഒരു രാത്രി മുഴുവൻ കുതിർത്തുവച്ചശേഷം രാവിലെ മയത്തിൽ അരച്ചെടുക്കുക.
∙ ഇതിൽ രണ്ടാമത്തെ ചേരുവ ചേർത്തിളക്കിയ ശേഷം പാകത്തിനു വെള്ളം ചേർത്തു കോരിയൊഴിക്കാൻ പാകത്തിനുള്ള മാവ് തയാറാക്കുക.
∙ ഉരുളക്കിഴങ്ങു തൊലി കളഞ്ഞു വേവിച്ചു ചെറിയ കഷണങ്ങളാക്കി വയ്ക്കണം.
∙ എണ്ണ ചൂടാക്കി ഏഴാമത്തെ ചേരുവ മൂപ്പിക്കുക.

∙ സവാള ഇളംബ്രൗൺ നിറമാകുമ്പോൾ ഉരുളക്കിഴങ്ങും എട്ടാമത്തെ ചേരുവയും ചേർത്ത് ഏതാനും മിനിറ്റ് വേവിച്ചു വാങ്ങണം. ഇതാണ് ഫില്ലിങ്.
∙ ഇനി തവ അടുപ്പത്തുവച്ച് എണ്ണ പുരട്ടിയശേഷം തയാറാക്കി വച്ചിരിക്കുന്ന മാവ് ഒരു തവി കോരിയൊഴിച്ചു ദോശ പോലെ പരത്തുക.
∙ വേവായശേഷം നടുവിൽ ഫില്ലിങ് വച്ചു ചുരുട്ടിയെടുക്കുക. മല്ലി-പുതിന ചട്നിക്കൊപ്പമോ ടുമാറ്റോ സോസിനൊപ്പമോ വിളമ്പാം.
∙ നോൺ വെജിറ്റേറിയൻ ഉപയോഗിക്കുന്നവർക്ക് ഉരുളക്കിഴങ്ങിനു പകരം ചിക്കൻ വേവിച്ചു ചെറിയ കഷണങ്ങളാക്കിയത് ഉപയോഗിക്കാം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.