ഞാനൊരു കോമാളിയാണ്. ചിരിപ്പിക്കാൻ വേണ്ടി മാത്രം വിധിക്കപ്പെട്ട കോമാളി. ലോകം എന്നെ കോമാളിയെന്ന് വിളിക്കും.....ഗ്രേറ്റ് ബോംബെ സർക്കസിലെ 76കാരനായ തുളസീദാസ് ഒരു ജീവിത കാലം മുഴുവൻ കഴിഞ്ഞു കൂടിയത് സർക്കസ് കൂടാരത്തിലാണ്. സർക്കസിന്റെ പകിട്ടാർന്ന കാലവും നിറം മങ്ങിയ ഇന്നുകളുമെല്ലാം കണ്ട് വളർന്ന ഒരാൾ. സർക്കസ് എന്നത് തുളസീദാസിന് ജീവിതമാണ്. തുളസീദാസ് മാത്രമല്ല, സർക്കസ് എന്ന കലയെ ജീവനെക്കാൾ സ്നേഹിക്കുന്ന ഒരുപാടു പേർ ഇന്നും കൂടാരങ്ങളിലുണ്ട്. ജീവിതമായി സർക്കസ് കൊണ്ടു നടക്കുന്ന പലർക്കും പക്ഷേ, ജീവിതം പ്രതിസന്ധിയിലാണ്. ലോക സർക്കസ് ദിനത്തിൽ സർക്കസിനെയും സർക്കസ് കൂടാരത്തിലെ ജീവിതങ്ങളെയും നേരിട്ടറിയുകയാണ് മനോരമ ഓൺലൈൻ.