മകളൊന്നു ‘കേൾക്കാൻ’ കാത്തിരുന്നത് 10 വർഷം; കേരളത്തിലെ ആദ്യത്തെ ബാഹ ശസ്ത്രക്രിയ വിജയമാകുമ്പോൾ. മൂന്നു ദിവസം മുൻപ്, കൃത്യമായി പറഞ്ഞാൽ മെയ് 4ന് തൃശൂർ ജൂബിലി മിഷൻ ആശുപത്രിയിൽ ഒരു ശസ്ത്രക്രിയ നടന്നു. കേരളത്തിലെതന്നെ ആദ്യ ശസ്ത്രക്രിയ, ഇനിയും പലർക്കും പ്രയോജനപ്പെട്ടേക്കാവുന്ന ഒന്ന്. 10 വയസ്സുകാരിയായ മകൾക്കു വേണ്ടി അച്ഛനും അമ്മയും പോരാടി നടത്തിയ ഒരു ശസ്ത്രക്രിയ എന്നും വിശേഷിപ്പിക്കാം. ചെവിയ്ക്ക് ദ്വാരം ഇല്ലാതെ ജനിച്ച, ആ മകൾ ഒന്നു കേൾക്കാനായി ആ അച്ഛനും അമ്മയും കാത്തിരുന്നത് 10 വർഷമാണ്.