ഗോദയിൽ തികച്ചും മാന്യനായിരുന്ന അദ്ദേഹം മൽസരം കഴിഞ്ഞാൽ ചിരിച്ചുകൊണ്ടുമാത്രമാണ് ഗോദ വിടാറുള്ളത്, അതും കാണികളെ കൈവീശി കാണിച്ച് വിട പറയും. വിവാദങ്ങളിൽനിന്ന് എന്നും അകലം പാലിച്ച ധാരാസിങ്ങിനെ 2003ൽ രാജ്യസഭയിലേക്ക് നോമിനേറ്റ് ചെയ്തു. രാജ്യസഭയിലേക്ക് നോമിനേറ്റ് ചെയ്യപ്പെട്ട ആദ്യ സ്പോർട്സ് താരം. 150ലേറെ സിനിമകളിൽ അഭിനയിച്ച അദ്ദേഹം ചില സിനിമകളിൽ നായകനുമായി. നിർമാതാവ്, സംവിധായകൻ എന്നീ നിലകളിലും പ്രവർത്തിച്ചു. മുംതാസിനൊപ്പം മാത്രം 16 ചിത്രങ്ങളിൽ അഭിനയിച്ചു. പ്രശസ്തമായ ‘രാമായണം’ പരമ്പരയിൽ ഹനുമാന്റെ വേഷം ചെയ്തത് ധാരായാണ്.