2023 മേയ് 5, അന്നൊരു വെള്ളിയാഴ്ചയായിരുന്നു. മനോരമ സ്കൂൾ ഓഫ് കമ്യൂണിക്കേഷനിൽ (മാസ്കോം) പഠിച്ചിരുന്ന എനിക്ക് രാവിലെ തന്നെ അച്ഛന്റെ ഫോൺ കോൾ വന്നു. വൈകിട്ട് കോട്ടയത്തു വരാമെന്നും വീട്ടിലേക്കു ഒന്നിച്ചു പോകാമെന്നും പറഞ്ഞായിരുന്നു ആ വിളി. എന്നാൽ, വൈകിട്ട് എന്നെ തേടിയെത്തിയത് അച്ഛന്റെ മരണ വാർത്തയായിരുന്നു. ഒരുതരത്തിലും എനിക്കത് ഉൾകൊള്ളാൻ പോലും കഴിയുന്നുണ്ടായിരുന്നില്ല.
