‘സ്വർണം’ വിളയുന്ന പാടം; വെള്ളരിക്കൃഷിയിൽ കയ്യിലെത്തി ലക്ഷങ്ങൾ; ഇതാണ് സുജിത്തിന്റെ കൃഷിതന്ത്രം

ചേർത്തലയിലെ സുജിത്തിനെ അറിയാത്ത കൃഷിപ്രേമികളുണ്ടാവില്ല. കൃഷിക്കാർക്കും വ്ലോഗർമാരാകാം എന്നു തെളിയിച്ച ഈ ‘വെറൈറ്റി ഫാർമർ’ കൃഷി ചെയ്യാത്ത പച്ചക്കറികളില്ല. വ്ലോഗിങ് പൊടിപൊടിക്കുമ്പോഴും കൃഷി ഉഴപ്പുന്നില്ല സുജിത്. എപ്പോൾ ചെന്നാലും 20-25 ഏക്കർ കൃഷിയുമായി സുജിത്ത് ഓടി നടക്കുന്നുണ്ടാവും. ഈ ഓട്ടത്തിനിടയിലാണ് വിഡിയോ പോസ്റ്റിങ്. പച്ചക്കറികളിൽ ചീരയാണ് സുജിത്തിന്റെ പ്രധാന വരുമാന സ്രോതസ്സ്. എന്നാൽ, സീസൺ അനുസരിച്ച് മറ്റു വിളകൾക്കും മുന്‍ഗണന നൽകും. ഡിസംബർ മുതൽ മാർച്ച് വരെ വേനൽ സീസണിൽ വെള്ളരി വർഗങ്ങൾ, തണ്ണിമത്തൻ, ഷമാം എന്നിവയാണ് മുഖ്യകൃഷി. ഒപ്പം വെണ്ട, പയർ, ചീരയുമുണ്ടാവും. വെള്ളരിവിളകൾ ചുരുങ്ങിയ കാലത്തിനകം