സമയം തീരുന്നു; പാന്‍ ആധാറുമായി ബന്ധിപ്പിച്ചില്ലേ? കാത്തിരിക്കുന്നത് പല പ്രശ്നങ്ങളും വന്‍ നഷ്ടങ്ങളും

പാൻ കാർഡ് ഉള്ള വ്യക്തിയാണോ നിങ്ങൾ? അത് ആധാർ നമ്പറുമായി ബന്ധിപ്പിച്ചിട്ടുണ്ടോ? ഇല്ലെങ്കിൽ രണ്ടു ദിവസത്തിനകം അതു ചെയ്യണം. ഇല്ലെങ്കിൽ പല വിധ നഷ്ടങ്ങളും ബുദ്ധിമുട്ടുകളും നേരിടേണ്ടി വരാം. പാനും ആധാറും മേയ് 31നകം ബന്ധിപ്പിച്ചില്ലെങ്കിൽ ഇരട്ടി നികുതി നൽകേണ്ടി വരുമെന്ന് കേന്ദ്രആദായനികുതി വകുപ്പ് മുന്നറിയിപ്പു നൽകിക്കഴിഞ്ഞു. അതായത് പാനും ആധാറും തമ്മിൽ ബന്ധിപ്പിച്ചിട്ടില്ലെങ്കിൽ സ്രോതസിൽ നിന്നും മുൻകൂർ ഈടാക്കുന്ന നികുതി അഥവാ ടിഡിഎസ് ഇരട്ടി നിരക്കിൽ ഈടാക്കും. എന്നാൽ അതുമാത്രമല്ല പ്രശ്നങ്ങൾ.