എട്ടിൽ പൊട്ടിയത് 2 തവണ; ദാരിദ്ര്യത്തിൽ നിന്ന് കോടീശ്വരനിലേക്ക്; 2 ഭാര്യമാർ, 7 ചാനലുകൾ; വരുമാനം 200 കോടി!

കയ്യിൽ ഇത്തിരി കോണ്ടന്റും മനസ്സും ഉണ്ടെങ്കിൽ ഇന്ന് ആർക്കും ലോകം കീഴടക്കാം, കോടീശ്വരനാകാം, അറിയപ്പെടുന്ന ജനപ്രിയ താരമാകാം. സിനിമയിൽ അഭിനയിക്കുന്നവരാണ് താരങ്ങൾ എന്നതൊക്കെ പഴങ്കഥയായി. ഇപ്പോൾ സമൂഹമാധ്യമങ്ങളിൽ സജീവമായ എല്ലാവരും സെലിബ്രിറ്റികളാണ്. ഏതൊരു സാധാരണക്കാരനെയും കോടിപതിയാക്കാനുള്ള ശേഷി സമൂഹമാധ്യമങ്ങൾക്കുണ്ട്. ഇന്ത്യയിൽ ഇൻഫ്ലുവൻസറായി മാറിയ പലരും ഇപ്പോൾ യുട്യൂബ് വിഡിയോയിലൂടെ ലക്ഷങ്ങളാണ് നേടുന്നത്. കൂട്ടത്തിൽ മുന്നിലാണ് യുട്യൂബറായ അർമാൻ മാലിക്. ദാരിദ്ര്യം മാത്രം തൊട്ടറി‍ഞ്ഞ അർമാൻ രണ്ടര വർഷം കൊണ്ടാണ് കോടിപതിയായത്. രണ്ട് ഭാര്യമാർ, പത്ത് ഫ്ളാറ്റുകൾ, ആഡംബര ജീവിതം... അർമാന്റെ കുടുംബജീവിതം പ്രത്യേകം കൗതുകമുണർത്തുന്നതാണ്. പങ്കാളികളായി കൂടെകൂട്ടിയ പായൽ മാലിക്, കൃതിക മാലിക് എന്നിവർ അർമാന്റെ ഉറ്റസുഹൃത്തുക്കളാണ്. രണ്ട് ഭാര്യമാരെയും ഒരുപോലെ സ്നേഹിച്ച്, ഒരേ വീട്ടിൽ കഴിയുന്ന അർമാന്റെ ജീവിത നിമിഷങ്ങൾ ഒപ്പിയെടുക്കുന്ന ഓരോ വിഡിയോയും സമൂഹമാധ്യമങ്ങളിൽ ട്രെൻഡിങ്ങാണ്. അതേസമയം, സന്തോഷകരവും വെല്ലുവിളി നിറഞ്ഞതുമായ നിമിഷങ്ങളും നിറഞ്ഞതാണ് ഈ കുടുംബത്തിന്റെ യാത്ര. രണ്ട് ഭാര്യമാരും ഒരേസമയം ഗർഭിണികളായതോടെയാണ് അർമാന്റെ വിഡിയോകൾ വൻ ഹിറ്റായി തുടങ്ങിയത്. അന്നത്തെ വിഡിയോയ്ക്ക് രൂക്ഷമായ പ്രതികരണങ്ങളും ട്രോളുകളും നേരിടേണ്ടി വന്നിട്ടും അർമാനും കുടുംബവും തങ്ങളുടെ പ്രേക്ഷകരുമായി അവരുടെ ജീവിതം തുറന്നുപറയുന്നത് തുടരുകയാണ്. ആരാണ് അർമാൻ? ദാരിദ്ര്യത്തിൽ നിന്ന് അർമാൻ എങ്ങനെയാണ് കോടീശ്വരനായി മാറിയത്? ആ കഥയാണിത്.