ചെലവ് കുറഞ്ഞു, ലക്ഷം വരുമാനം; കർഷകർക്ക് വീട്ടിൽ ‘എനി ടൈം മണി’; ലോകരാജ്യങ്ങളും വരുന്നു ഈ ‘ആന്ധ്ര അദ്ഭുതം’ തേടി

എന്തിനാകും അരി വാങ്ങാനായി ജർമനിയിലുള്ളവർ ആന്ധ്ര പ്രദേശിലെ ഈ ഗ്രാമത്തിൽ വന്നത്? അതും അരി കയറ്റുമതി നിരോധനം സംബന്ധിച്ച് ഇന്ത്യയും വിദേശ രാജ്യങ്ങളും തമ്മിൽ തർക്കം നടക്കുന്ന സമയത്തുതന്നെ! ഇന്ത്യയിലെ 11 സംസ്ഥാനങ്ങളിൽ ആന്ധ്രയിലെ ഗ്രാമീണ കർഷകരാണ് ഇപ്പോൾ നെൽകൃഷി നടത്തുന്നത്. കേരളത്തിൽ നിന്നുള്ള ഉദ്യോഗസ്ഥരും രണ്ടു വട്ടം ആന്ധ്രപ്രദേശിൽ ഈ നെൽകൃഷി പഠിക്കാൻ പോയി വന്നു. അതിനു കാരണവുമുണ്ട്. അരിയുടെ അപരനാമമാണ് ആന്ധ്ര അരി. ഇന്ത്യയുടെ നെല്ലറയാണ് ആന്ധ്രപ്രദേശ്. നെൽകൃഷിയിൽ മുന്നിലാണ് ആന്ധ്രയിലെ ഗ്രാമങ്ങൾ. കേരളത്തിൽ അരി ക്ഷാമം വന്നാൽ വരും ആന്ധ്ര അരി. ലോറിയിലും ട്രെയിനിലും. ആ ആന്ധ്ര പ്രദേശ് വീണ്ടും നെൽകൃഷിയിൽ വിപ്ലവം സൃഷ്ടിച്ചിരിക്കുകയാണ്. ഹരിത വിപ്ലവത്തിനു ശേഷം പ്രകൃതി കൃഷിയിലൂടെയാണ് ആന്ധ്ര പ്രദേശിൽ ജൈവ വിപ്ലവത്തിന് ചാലു കീറുന്നത്. അഞ്ചു വർഷം മുൻപ് ആരംഭിച്ച പ്രകൃതി കൃഷി ഇപ്പോൾ മറ്റൊരു വിപ്ലവമായി മാറിയതിനു പല കാരണങ്ങളുണ്ട്. അവയിങ്ങനെ: