മസ്കിനെ മാതൃകയാക്കി സക്കർബർഗും; ട്രംപിനെ പിണക്കാൻ വയ്യ; ഫാക്‌ട് ചെക്കേഴ്സും വേണ്ട; ഇനി എക്സിന്റെ ‘തനിവഴി’

നുണകളുടെയും ഫിൽറ്ററുകളുടെയും പെരുപ്പിച്ചുകാണിക്കലിന്റെയും ഈ ലോകത്ത് ആവശ്യത്തിൽകൂടുതൽ സത്യസന്ധത കാണിച്ചാൽ എന്തായിരിക്കും പ്രശ്നം? ലോക കോടീശ്വരൻ മാർക്ക് സക്കർബർഗിനോടാണ് ഈ ചോദ്യമെങ്കിൽ, ‘അത്ര സത്യസന്ധത വേണ്ട’ എന്നായിരിക്കും ഉത്തരം. കാരണം അദ്ദേഹത്തിനു കീഴിൽ പ്രവർത്തിക്കുന്ന മെറ്റ പ്ലാറ്റ്‌ഫോമിലെ ഉപയോക്താക്കളുടെ എണ്ണത്തെയാണ് ആ സത്യസന്ധത ബാധിക്കുക. സത്യസന്ധത കൂടിയാൽ ഉപയോക്താക്കളുടെ എണ്ണം കുറയുമെന്ന തിരിച്ചറിവിൽ പുതിയ തീരുമാനവും എടുത്തിരിക്കുകയാണ് മെറ്റ. എക്സ് (മുൻ ട്വിറ്റർ) വളരെ മുൻ‍പേ എടുത്ത തീരുമാനം അൽപം വൈകിയാണെങ്കിലും മെറ്റയും പിന്തുടരുകയാണ്. എന്താണ് ഫാക്ട് ചെക്കിങ് സംബന്ധിച്ച് മെറ്റയിലും അതിനു കീഴിലെ ഫെയ്സ്ബുക്കിലും വന്ന നിർണായ മാറ്റം? എന്തുകൊണ്ടാണ് അത്തരമൊരു തീരുമാനത്തിലേക്ക് മെറ്റ എത്തിച്ചേർന്നത്?