അടഞ്ഞുകിടക്കുന്നത് 13 ലക്ഷം വീടുകൾ; പ്രായമായ മാതാപിതാക്കൾക്കായി ഒരു പാലാ മാതൃക; വൃദ്ധസദനമല്ല, ഇത് ഇവരുടെ ‘എനർജി’ ഹോം

പ്രവാസവും കുടിയേറ്റവും മലയാളികൾക്ക് പുതുമയുള്ള കാര്യമല്ല, എങ്കിലും പുതിയ മേച്ചിൽപ്പുറങ്ങൾ തേടി ചെറുപ്പക്കാർ കൂട്ടത്തോടെ വിദേശരാജ്യങ്ങളിലേക്ക് കുടിയേറുന്നതാണ് ഇപ്പോഴത്തെ ട്രെൻഡ്. പതിമൂന്ന് ലക്ഷത്തിലധികം വീടുകളാണ് കേരളത്തിൽ ഒഴിഞ്ഞു കിടക്കുന്നത്. നിരവധി വീടുകളിൽ പ്രായമായ മാതാപിതാക്കൾ മാത്രമാണുള്ളത്. ഇനിയുള്ള കാലം കേരളം നേരിടാൻ പോകുന്ന വലിയൊരു പ്രശ്നമാണ് വയോജനക്ഷേമം. എന്നാൽ ഭൂരിഭാഗം മലയാളികളും ഇപ്പോഴും കെയർ ഹോമുകൾ, സീനിയർ ലിവിങ് ഹോമുകൾ തുടങ്ങിയ സംവിധാനവുമായി മാനസികമായി പൊരുത്തപ്പെട്ടിട്ടില്ല. ഇതിനെയെല്ലാം പ്രായമായവരെ കൊണ്ടുതള്ളാനുള്ള 'വൃദ്ധസദനം' എന്ന രീതിയിലാണ് പലരും കാണുന്നത്. കേരളം നേരിടുന്ന ഈ പ്രശ്നത്തിന് വളരെ പോസിറ്റീവായ പരിഹാരം കണ്ടെത്തിയിരിക്കുകയാണ് ഒരു കൂട്ടം മുതിർന്ന പൗരന്മാർ. സമാനമനസ്കരായിട്ടുള്ള 15 ദമ്പതികൾ ഒന്നിച്ച്