ഇന്ത്യക്കാരിയോടു പറഞ്ഞു, ‘ടു പീസ് ധരിച്ചേ പറ്റൂ’; അന്ന് കൊല്ലപ്പെട്ടത് 200 പേർ; തെലങ്കാനയുടെയും തലവേദനയായി മിസ് വേൾഡ്

വർഷം 2000. മിസ് വേൾഡ് മത്സരം ‘മില്ലെനിയം’ ആഘോഷിക്കുന്ന വർഷം. തൊട്ടു മുൻ വർഷം ഇന്ത്യയിൽനിന്നുള്ള യുക്താ മുഖിക്കായിരുന്നു മിസ് വേൾഡ് പട്ടം. അതിനാൽത്തന്നെ ഇത്തവണ ഇന്ത്യക്കാരിയായ ഒരു മിസ് വേൾഡിനെ അധികമാരും പ്രതീക്ഷിച്ചതുമില്ല. പക്ഷേ അക്കൊല്ലത്തെ മത്സരാർഥി വ്യത്യസ്തയായിരുന്നു. ബിഹാറിലെ ജംഷഡ്പുരിൽനിന്നായിരുന്നു (ഇന്ന് ജാർഖണ്ഡിൽ) അവരുടെ വരവ്. അച്ഛനും അമ്മയും ഇന്ത്യൻ സേനയിലെ ഡോക്ടർമാർ. അവരുടെ അമ്മൂമ്മ മേരി ജോണിന് കേരളത്തിലായിരുന്നു വേരുകൾ. പതിമൂന്നാം വയസ്സിൽ പഠനത്തിന് യുഎസിൽ പോയ ആ പെൺകുട്ടി പതിനാറാം വയസ്സിൽ തിരികെയെത്തി. പിന്നീട് ഉത്തർപ്രദേശിലെ ബറേലിയിലെ ആർമി സ്കൂളിൽ ഉന്നതപഠനം. അതിനിടെ ഒരു പ്രാദേശിക സൗന്ദര്യ മത്സ്യത്തിൽ പങ്കെടുത്തതോടെ അവളുടെ ജീവിതമാകെ മാറി. പിന്നീട്, 2000ത്തിൽ