‘മടിയാണ്, എപ്പോഴും കളിയാണ്, ഒന്നിനും താൽപര്യമില്ല, ബുദ്ധിയില്ല’: കുറ്റപ്പെടുത്തും മുൻപ്, കുട്ടികളോട് ഇക്കാര്യം ചോദിക്കാമോ...

‘‘കുട്ടിക്കാലത്ത് എനിക്കൊരു പ്രശ്നമുണ്ടായിരുന്നു. ക്ലാസിലിരിക്കുമ്പോൾ പെട്ടെന്ന് ശ്രദ്ധ പതറിപ്പോകും. പിന്നെ ക്ലാസിൽ നടക്കുന്നതൊന്നും ശ്രദ്ധിക്കില്ല. ശരിക്കുമൊരു സ്വപ്നലോകത്തില്‍ പെട്ടതുപോലെ. ആരെങ്കിലുമൊത്ത് സംസാരിക്കുമ്പോഴും ഇതു സംഭവിക്കാറുണ്ട്. ഇത് അൽപം മുതിർന്നപ്പോഴും തുടർന്നു. ചില കാര്യങ്ങളിൽ ശ്രദ്ധ കേന്ദ്രീകരിക്കാൻ പറ്റുന്നില്ല. സ്ഥിരമായി ചെയ്യുന്ന കാര്യങ്ങൾ പോലും മറന്നു പോകുന്നു. ആദ്യമൊക്കെ എന്താണു സംഭവമെന്നു പോലും എനിക്കു മനസ്സിലായില്ല. പിന്നീട് ഇതൊരു പ്രശ്നമാണെന്നു സ്വയം തിരിച്ചറിഞ്ഞ് ഞാനൊരു ആരോഗ്യ വിദഗ്ധനെ കണ്ടു. ചില ടെസ്റ്റുകൾ നടത്തി. അങ്ങനെയാണ് അക്കാര്യം മനസ്സിലായത്...’’ ബോളിവുഡ് നടി ആലിയ ഭട്ട് ഒരു അഭിമുഖത്തിൽ പറഞ്ഞ വാക്കുകളാണിത്.