രാക്ഷസത്തിരമാലകൾ, കടലിലെ എവറസ്റ്റ്, 80000 വർഷത്തിലൊരിക്കലുള്ള ആ കാഴ്ച..; പായ്‌വഞ്ചിയിൽ ലോകം ചുറ്റി വന്ന 2 പെൺകുട്ടികൾ പറയുന്നു...

രണ്ട് പെൺകുട്ടികൾ. അവരിലൊരാൾക്ക് കുട്ടിക്കാലത്ത് വെള്ളത്തിലിറങ്ങാൻ പോലും പേടിയായിരുന്നു. എന്നാൽ സഹപ്രവർത്തകയ്ക്കൊപ്പം ആ മലയാളി പെൺകുട്ടി മൂന്നു സമുദ്രങ്ങളിലൂടെ 47,450 കിലോമീറ്റർ സഞ്ചരിച്ചു തിരിച്ചെത്തി. ആരെയും അദ്ഭുതപ്പെടുത്തും അവർ പങ്കുവയ്ക്കുന്ന അനുഭവങ്ങൾ...

പായ്‌വഞ്ചിയിൽ ലോകം ചുറ്റി വീണ്ടും ഇന്ത്യൻ മണ്ണിൽ കാലുകുത്തുമ്പോൾ ഉള്ളം നിറഞ്ഞുകവിയുന്ന വലിയൊരു പ്രകൃതിപാഠം കൂടിയാണ് അവർ പങ്കുവയ്ക്കുന്നത്. രണ്ടു പേർ മാത്രമുള്ള സമുദ്ര യാത്രയിൽ അവർ എന്തൊക്കെ വെല്ലുവിളികളാകും നേരിട്ടിട്ടുണ്ടാകുക? ചങ്കുറപ്പോടെ അതെല്ലാം നേരിട്ട കഥ പറയുകയാണ് ദിൽനയും രൂപയും.