പ്രതിഷേധിച്ച് പഠിപ്പു നിർത്തിയ അമ്മ, ചുരുളിക്ക് കയ്യടിച്ച ചാച്ചൻ; അനുഭവങ്ങളാണ് വിനോയ് തോമസിന്റെ എഴുത്തും കരുത്തും...

എഴുത്തുകാരൻ വിനോയ് തോമസിന്റെ രചനകൾക്കൊക്കെ അധ്വാനവർഗത്തിന്റെ ചൂരും നെറിയും ഉള്ളതെങ്ങനെയാണെന്ന് എല്ലാവരും ചോദിക്കും. അധ്വാനവർഗം എന്നാൽ കുടിയേറ്റ മണ്ണിൽ വിയർപ്പൊഴുക്കിയവർ. അവരുടെ ഭാഷയിലാണ് വിനോയിയുടെ കഥാപാത്രങ്ങൾ സംസാരിക്കുന്നത്. സ്നേഹിക്കുന്നതും പിണങ്ങുന്നതും അസഭ്യം പറയുന്നതുമെല്ലാം അവരുടെ ഭാഷയിലാണ്. അത് പച്ചയ്ക്കെഴുതാൻ വിനോയിക്കൊരു മടിയുമില്ല. ഉള്ളതു തുറന്നുപറയും. സണ്ണി ജോസഫ് കെപിസിസി പ്രസിഡന്റായപ്പോൾ കുടിയേറ്റക്കാരന്റെ വിജയമായി തുറന്നെഴുതാൻ വിനോയിക്ക് രാഷ്ട്രീയമൊന്നും നോക്കേണ്ടി വന്നില്ല. വിനോയിയുടെ ഭാഷയുടെ കരുത്ത് അമ്മ ഏലിയാമ്മയാണ്. നാലാം ക്ലാസ് മാത്രം വിദ്യാഭ്യാസമുള്ള അമ്മ. മകനെ പഠിപ്പിക്കാൻ വീട്ടുജോലിക്കു വരെ പോകാൻ തയാറായ അധ്വാനിക്കുന്നൊരമ്മ. യൂറോപ്യൻ യാത്ര കഴിഞ്ഞെത്തിയ ആവേശത്തിലാണ് കണ്ണൂർ നെല്ലിക്കാംപൊയിൽ വെള്ളക്കടയിൽ ഏലിയാമ്മ. മകൻ വിനോയ് തോമസ് അമ്മയിൽനിന്നു യാത്രാവിവരങ്ങൾ ചോദിച്ചറിയുന്നുണ്ട്. എഴുത്തിന്റെ തിരക്കിലാണെങ്കിലും അമ്മ കണ്ട യൂറോപ്പ് അറിയുകയാണ് വിനോയ്. എഴുപത്തിരണ്ടാം വയസ്സിലും സ്വന്തമായി അധ്വാനിച്ചുണ്ടാക്കിയ പണം കൊണ്ടുള്ള യാത്രയായിരുന്നു ഏലിയാമ്മയ്ക്ക്. 18 ദിവസം എല്ലാ രാജ്യത്തും സഞ്ചരിച്ചു. ഏറെ കൊതിച്ചിരുന്ന