മരിച്ചാൽ മൃതദേഹം പോലും തിരിച്ചെത്തിക്കാനാകില്ല; താണ്ടിയത് ഭീതിയുടെ ‘കൊടുമുടികൾ’; സഫ്രീന പറഞ്ഞത് വേറെ ലെവൽ യാത്രാനുഭവം

പെർഫക്ഷനിസ്റ്റാണ് സഫ്രീന. അതുകൊണ്ടാണ്, കേക്കുണ്ടാക്കാൻ പഠിക്കാൻ തുടങ്ങിയപ്പോൾത്തന്നെ ലോകപ്രശസ്തരായ അധ്യാപകരെ തേടിപ്പോയത്. ജോലിയും ശമ്പളവും വേണ്ടെന്നുവച്ച് എവറസ്റ്റ് കീഴടക്കാനുള്ള പരിശീലനത്തിന് ഇറങ്ങിത്തിരിച്ചത്. പാലങ്ങളെ പേടിയുള്ള സഫ്രീനയുടെ ഏറ്റവും വലിയ പേടി പാലങ്ങൾ തന്നെയായിരുന്നു. റോഡിലെ പാലങ്ങൾ കണ്ടാൽപോലും പേടിച്ചു ബോധം പോകും. യാത്ര അവസാനിക്കാൻ അൽപസമയം കൂടുതലെടുത്താലും കുഴപ്പമില്ല, പാലങ്ങളെ ഒഴിവാക്കി മാത്രമേ സഫ്രീന യാത്ര ചെയ്യൂ. ശരിക്കും ജെഫൈറോഫോബിയ(പാലങ്ങളോടുള്ള പേടി) തന്നെ. പക്ഷേ, എവറസ്റ്റിന്റെ നെറുകയിലെത്താൻ സഫ്രീന കടന്നത് അനേകം പാലങ്ങളാണ്. യാതൊരു ഉറപ്പുമില്ലാത്ത, നടക്കുമ്പോഴെല്ലാം നമുക്കൊപ്പം ചലിക്കുന്ന