'വിശന്നു കരഞ്ഞ് അവനുറങ്ങി, ഞാൻ എത്ര കരഞ്ഞെന്നോ'; ലാഭം നോക്കിയ സർക്കാർ കുരുന്നുകളെ കണ്ടില്ലേ? ഈ മിഠായിക്ക് മധുരമില്ല!

ടൈപ് വൺ പ്രമേഹബാധിതരായ കുട്ടികൾക്കുള്ള റാപ്പിഡ് ഇൻസുലിനു പകരം മിഠായി പദ്ധതിയിലൂടെ സാമൂഹിക നീതി വകുപ്പ് നൽകുന്നത് അക്ട്രാപിഡ് ഇൻസുലിൻ. ഇതുമൂലം ഉച്ചഭക്ഷണം കഴിക്കാൻ പോലും കുട്ടികൾ കാത്തിരിക്കേണ്ടി വരുന്നതു മണിക്കൂറുകൾ. കുത്തിവയ്ച്ചാലുടൻ‍ ശരീരത്തിൽ വേഗം പ്രവർത്തിച്ച്, ഷുഗറിന്റെ അളവ് നിയന്ത്രിക്കുന്നവയാണ് റാപ്പിഡ് ഇൻസുലിൻ. എന്നാൽ, ചെലവുചുരുക്കലിന്റെ ഭാഗമായി 2025 ജൂൺ മുതൽ റാപ്പിഡ് ഇൻസുലിനു പകരം വിതരണം ചെയ്യുന്നത് താരതമ്യേന വിലകുറഞ്ഞ ഇൻസുജൻ–6 പോലുള്ള അക്ട്രാപിഡ് ഇൻസുലിനാണ്. ഭക്ഷണം കഴിക്കുന്നതിനു 45 മിനിറ്റ് മുൻപെങ്കിലും ഇത് എടുക്കണം. പ്രവർത്തനക്ഷമമാകണമെങ്കിൽ ഏതാണ്ട് 3 മണിക്കൂർ വരെ സമയമെടുക്കും. നിലവിൽ 11.15നു കുത്തിവയ്പെടുത്താലും ഉച്ചഭക്ഷണം കഴിക്കണമെങ്കിൽ കുട്ടികൾ 2.30 വരെ കാത്തിരിക്കേണ്ടി വരും. ‘‘സ്കൂൾ ഇന്റർവെൽ സമയത്താണ് കുട്ടികൾ ഇൻസുലിൻ എടുക്കാറുള്ളത്. അധികം വൈകാതെ ഗ്ലൂക്കോസ് നിയന്ത്രണവിധേയമാകുകയും ചെയ്യും. പക്ഷേ, ഇപ്പോൾ