ശരീരത്തിൽ ‘ജീവൻ’ വേണമെങ്കിൽ ശ്രദ്ധിക്കണം മഗ്നീഷ്യം; കഴിക്കാം ഈ ഭക്ഷണങ്ങൾ; പക്ഷേ അമിതമാകരുത്, കാരണം ഇതാണ്...

ആരോഗ്യമുള്ള ജീവിതവും ആരോഗ്യ സംരക്ഷണവും ലക്ഷ്യമിടുന്നവരാണോ നിങ്ങൾ? കഴിഞ്ഞ കുറച്ചു നാളുകളായി സമൂഹമാധ്യമങ്ങളിൽ ഉൾപ്പെടെ മഗ്നീഷ്യം എന്ന ധാതു ചർച്ചയായതു നിങ്ങളും ശ്രദ്ധിച്ചു കാണില്ലേ? ഡിപ്രഷൻ ഇല്ലാതാക്കും, മികച്ച ഉറക്കം സമ്മാനിക്കും, പേശികളെ സംരക്ഷിക്കും... ആകെമൊത്തം ശരീരത്തിനു സൗഖ്യം പ്രദാനം ചെയ്യും. ഇത്തരത്തിൽ മഗ്നീഷ്യവുമായി ബന്ധപ്പെട്ട് ഒട്ടേറെ സമൂഹമാധ്യമ വിഡിയോകളും പോസ്റ്റുകളും ചുറ്റിലും നിറയുന്നുണ്ട്. അതിന്റെ ചുവടു പിടിച്ചു ‘മഗ്നീഷ്യം നേടാൻ’ ഓടുകയാണു പലരും. ഏതെല്ലാം ഭക്ഷ്യവസ്തുക്കളിൽനിന്നാണ് മഗ്നീഷ്യം ലഭിക്കുകയെന്ന അന്വേഷണവും തകൃതിയായി നടക്കുന്നു. മഗ്നീഷ്യം സപ്ലിമെന്റുകളെപ്പറ്റി അന്വേഷിക്കുന്നവരും ഏറെ. യഥാർഥത്തിൽ മഗ്നീഷ്യം അത്തരമൊരു അദ്ഭുത വസ്തുവാണോ?